Fasulja e re e Korçës del në treg me dyfishin e çmimit! Fermerët: Kushtet jo të favorshme sollën prodhim të pakët, shitet deri në 600 lek/ kg

Këtë vit çmimi i fasuleve të reja në Korçë varion nga 250 lekë në 600 lekë për kg, megjithëse fusha e Maliqit është kultivuesi më i madh i kësaj kulture në rang qarku me një sipërfaqe prej 180 ha të mbjellë. Kushtet jo të favorshme klimaterike bënë që këtë vit prodhimi i kulturës së fasules të ishte më i pakët dhe për pasojë çmimi të dyfishohet në treg.

Drejtori i Bujqësisë në bashkinë e Maliqit, Arben Dulellari thotë se reshjet e para të shiut dhe temperatura mbi 30 gradë celsius gjatë verës, dëmtuan fazën e parë të prodhimit të fasules.

“Këtë vit prodhimi i fasules ka qenë më i pakët, për shkak të kushteve atmosferike. Në kohën e pranverës, temperaturat ishin të ulëta, ç’ka solli sëmundje në këtë kulturë”, tha Arben Dulellari, Drejtori i Bujqësisë Maliq.

Por sipas Dulellarit një faktorë tjetër që ka ndikuar në rritjen e çmimit lidhet me faktin se një pjesë e prodhimit shkon për eksport.

“Vitin e kaluar ka qenë 250 lek/ kg, këtë vit ka shkuar 500-600 lek për kg”, tha Arben Dulellari, Drejtori i Bujqësisë Maliq.

Oli Bregasi një prej fermerëve të fshatit Orman tregon se prodhimi këtë vit ishte më i pakët, por megjithatë fasulja e zonës kërkohet më shumë në treg.

Ky vit në qarkun e Korçës edhe në kulturat e tjera bujqësore ka qenë jo i favorshëm për shkak të motit i cili ka dëmtuar prodhimin.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

'Kush e fiton Europianin?' Ja si u votua tek sondazhi i Shqiptarja.com

'Kush e fiton Europianin?' Ja si u votua tek sondazhi i Shqiptarja.com