Durrës- Në orët e para të mëngjesit të ditës së sotme është gjetur në afërsi të Stacionit të Trenit një shtetase me probleme. 
 
Sipas policisë së qytetit bregdetar, ajo është rreth 1.65 cm e gjatë, ka flokë të shkurtër, ngjyrë të zeza, ndërsa ka të veshur një xhup të zi, një palë xhinse ngjyrë blu dhe këpucë ngjyrë kafe.
 
E pyetur nga oficerët e policisë dhe në prani të psikologes ka shkruar në një letër fjalët "Fatime dhe Gramsh".
 
Aktualisht ajo ndodhet në ambientet e Drejtorisë Vendore të Policisë Durrës, ndërsa blutë e Durrësit kërkojnë bashkëpunim për identifikimin dhe kontaktimin nga të afërmit  në numrin 0694110217 për ta bashkuar me familjen. 

femija humbur durres
Vajza e gjetur nga policia e Durrësit

d.b/shqiptarja.com