I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte ish-Ambasadori në Washington Fatos Tarifa, i cili këto ditë ka botuar librin e tij të fundit “Afrimi i Madh” për të cilin siç u shpreh, i janë dashur 17 vite .
“Shkrimet i kam bërë gjatë qëndrimit tim në detyrë, në 3 kontinente. Ky libër, ka në brendi kujtime dhe foto gjatë karrierës time në dy vendet ku kam shërbyer si diplomat për shtatë vite me rradhë” tha ai.
Ish-diplomati dhe intelektuali i angazhuar foli në studio për jetën, sfidat dhe vështirësitë e një pune të stilit klasik dhe barok në diplomaci. Pritjet e rëndësishme në zyrën shqiptare në Washington si edhe festat e organizuara me zyrtarë të rëndësishëm.
”Përpara se të shërbeja në Washington, kam shërbyer në Mbretërinë e Hollandës po si Ambasador dhe kjo përvojë më mësoi shumë gjëra për diplomacinë me anë të kulturës dhe artit, duke ndërthurur eventet kulturore që ne organizonim, ku na është dhënë mundësia të bënim takime informale dhe miqësore me diplomatët, pra arti dhe kultura në diplomaci janë të rëndësishme. Gjatë qëndrimit 7 vjeçar në detyrën e Ambasadorit në Washington, puna që bëja ka qenë me pasion dhe shumë personalitete diplomacinë time e kanë quajtur të stilit barok. Kam kënaqësinë të flas për këtë eksperiencë, pasi u përpoqa të bëj një diplomaci jo vetëm klasik, por atë të stilit barok dhe kjo nuk ishte e thjeshtë. Ne kishim dalë nga katrahura e 97 -ës, kishim nevojë t’i imponoheshim botës, ndaj më duhej një diplomaci ndryshe, me një energji të madhe, që të arrija interesat dhe qëllimet. Në Hollandë psh. ishte e pamundur të mundësoje vizitën e Ministres së Jashtme në Hagë, apo vizita të tjera” - theksoi ish Ambasadori.
Falë punës diplomatike të Fatos Tarifës është bërë një lobim Kombëtar për të zgjidhur çështje të natyrave të ndryshme, duke u treguar fleksibël dhe praktik në shumë drejtime në interes të vendit tonë. Gjatë shërbimit në Amerikë, në vitet 2001-2005, Tarifa tha se çdo vit priste në Ambasadë gati 2000 vizitorë, ndërsa numëroheshin 5-6 pritje në javë”.
“Një ambasadë do ishte e vdekur nëse nuk hap dyert për zyrtarët e lartë të atij vendi, për diasporën, nëse nuk tregon fytyrën e atij vendi. Çdo kush që jetonte në Washtington apo jashtë tij mund të vinte në Ambasadë, vinin shpesh kongresmenë amerikanë, studentë shqiptarë, vizitorë nga Tirana, politikanë shqiptarë. Organizonim plot aktivitete muzikore. Sallonet ishin të hapura, blemë një piano dhe luhej muzikë, madje ime shoqe sillte gratë e anëtarëve te kongresit apo te senatorëve dhe këto kishin shumë efekt, mbaj mend gruan e ish-drejtorit të CIA –s që bleu një pikturë shqiptare. Më të rëndësishme në Ambasadë kanë qenë vizitat e zyrtarëve të lartë të administratës amerikane, Këshilltari i afërt i presidentit amerikan Bush për Çështjet e Sigurisë Kombëtare, ndihmësja e Sekretarit të Shtetit, Ambasadorët Amerikanë që vinin në Tiranë, Guvernatorë shtetesh etj. Ajo që më bën më tepër krenar është sjellja në Tiranë në 2003 e dy sekretarëve të lartë Colin Powell dhe Donald Rumsfeld” tregoi Tarifa.
Sa i takon Shqipërisë së sotme, Fatos Tarifa tha se vendi ynë është shumë i pasur, pasi ka çdo gjë që i duhet, për të qenë një faktor i rëndësishëm, por shpesh politika nuk luan një rol pozitiv. Ish- Ambasadori u surprizua në fund të bisedës nga i biri, Jon Tarifa, me një videomesazh nga Bali, ku ai jeton momentalisht. Këngëtari i njohur tha se shoku më i ngushtë i jetës së tij ishte pikërisht babai, të cilin e falenderoi përçdo këshillë në jetën e tij. Ish-Ambasadori i Shqipërisë në Amerikë Fatos Tarifa, ka mbajtur pozicione akademike në disa Universite në Shqipëri dhe në Universitetet perëndimore, si dhe është titullar në fushën e Sociologjisë dhe të Marrëdhënieve Ndërkombëtare.
Komente
Lajme të tjera
-
Ju futen thonjtë në mish? Ylli Merja tregon kurën natyrale që ju shpëton në pak ditë
23 Dhjetor, 15:58 -
Altin Joka: Kujdes, zbokthi është problem i brendshëm shëndetësor / Ja si mund të luftohet
18 Dhjetor, 15:57 -
Keni dhimbje të gjurit? Ja kura natyrale që do jua largojë dhimbjet përgjithmonë
16 Dhjetor, 17:24 -
‘Kujdes në dashuri’ Jorgo Pulla paralajmëron shenjat…/ Horoskopi i javës, parashikimi për çdo shenjë
16 Dhjetor, 15:45 -
Altin Joka: Ja ‘magjia’ e përdorimit të kripës si terapi dhe cila sëmundje mund të kurojë
12 Dhjetor, 14:52 -
Probleme me fryrjen e barkut dhe jashtëqitjen? Mund të vuash nga sindroma e zorrës së irrituar/ Ja ç’duhet të bëni
11 Dhjetor, 10:37 -
1 thelpi hudhër në ditë haje në këtë mënyrë… Hudhra mund të ndryshojë jetën nga Altin Joka
4 Dhjetor, 16:35 -
Laringiti te fëmijët, simptomat që nuk duhet t’i neglizhoni / Ylli Merja: Ja si ta trajtoni në mënyrë natyrale
2 Dhjetor, 15:39 -
Kujdes! Çdo vendim i kësaj jave ndikim deri në Mars 2025 / Horoskopi javor 2-8 dhjetor nga astrologu Jorgo Pulla
2 Dhjetor, 12:30 -
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës
25 Nëntor, 16:19 -
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00
Ky i paska sjelle sekretaret e shtetit ne Tirane....
Përgjigju