POP 5

Lajmet më të lexuara të 5 minutave të fundit

Kronikë

Faza e 6-të e operacionit 'Restart' në Korçë, prangosen 4 persona, sekuestrohen 72 kg kanabis! Shkon në 16 numri i të arrestuarve dhe në 445 kg droga e kapur (VIDEO)

72 kilogramë kanabis janë sekuestruar nga policia e Korçës, ndërsa janë prangosur 4 persona në kuadër të operacionit të koduar ‘Restart’. Në kuadër të operacionit antidrogë "Restart 6", u arrestuan në flagrancë shtetasit Klaudio Sino; Bardhi Sino (vëllezër); Blerim Karameta dhe Igli Cangëtari

KORÇË- 4 persona janë arrestuar në kuadër të vijimit të operacionit anti-drogë ‘Restart’ në Korçë, ndërsa janë sekuestruar 72 kilogramë kanabis. Në pranga kanë rënë, vëllezërit Klaudio Sino, 35-vjeç, dhe Bardhi Sino, 38 vjeç, Blerim Karameta, 26 vjeç, banues në Miras Devoll, dhe Igli Cangëtari, 30 vjeç, banues në Çetë, Devoll.

Policia në bazë të informacioneve, se 4 të arrestuarit do të transportonin një sasi droge, ndaluan dhe kontrolluan mjetin tip "Mercedes-Benz", në afërsi të hyrjes së fshatit Miras, Devoll, me drejtues shtetasin Klaudio Sinën. Gjatë kontrollit të ushtruar në automjet, u gjetën e sekuestruan në cilësinë e provës materiale 65 pako, me peshë totale 69 kg lëndë e dyshuar narkotike kanabis.

Gjithashtu gjatë kontrollit të ushtruar në banesën e 35-vjeçarit, iu gjetën e sekuestruan edhe 3 kg të tjera lëndë e dyshuar narkotike kanabis dhe një sasi municioni luftarak. Nga veprimet e mëtejshme hetimore, rezultoi se bashkëpunëtorë në këtë aktivitet kriminal, janë edhe shtetasit Bardhi Sino, Blerim Karameta, dhe Igli Cangëtari.

Kjo është faza e gjashtë e operacionit policor të koduar "Restart", startuar pesë muaj më parë. Sakaq ka shkuar në 16 numri i të ndaluarve si dhe është sekuestruar 445, 5 kilogramë lëndë narkotike kanabis, në kuadër të këtij operacioni për goditjen e një grupi kriminal në fushën e trafikimit të lëndëve narkotike në drejtim të shtetit grek, shpërndarjes së lëndëve narkotike dhe armëmbajtjes pa leje.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze