TIRANE- Damir Fazlliç, biznesmeni boshnjak totalisht i panjohur për publikun shqiptar deri në vitin 2005, është zhdukur në “drejtim të paditur”, duke lënë pas borxhe në formën e kredive bankare të papaguara. Kjo, edhe pasi për tetë vjet rresht, gjatë gjithë kohës që Sali Berisha ishte në postin e kryeministrit, ai pati normën më të lartë të fitimit, që e kanë vërtetuar edhe transfertat e parave, që janë bërë publike.

Banka e Tiranës sapo mori nga Gjykata urdhër-ekzekutimi në adresë të kompanisë së tij Crown Acquisition për një detyrim të papaguar prej 3.3 milionë eurosh. Po kështu, edhe Union Bank ka marrë më parë një urdhër të tillë, për të njejtën arsye, por shifra nuk bëhet e ditur.