Agjentët e FBI-së e kanë bastisur dhe kontrolluar shtëpinë e Dmitri Simes në Virxhinia, i cili është një komentator i njohur politik dhe autor i emisionit për çështje aktuale në televizionin shtetëror rus, Channel One, raportoi të premten gazeta Rappahannock News.
Simes tha për këtë gazetë se ndodhet jashtë vendit, por se ndihet i “shqetësuar dhe i habitur” nga aksioni i FBI-së.
Ai tha për agjencinë ruse të lajmeve, TASS, të premten se lajmet se agjentët e FBI-së ndodhën në shtëpinë e tij janë të vërteta, edhe pse ai nuk ishte njoftuar zyrtarisht.
Simes u lind në Moskë më 1947 dhe emigroi në Shtetet e Bashkuara në vitin 1973. Ai kishte shërbyer si këshilltar joformal i ish-presidentit amerikan, Richard Nixon, dhe kishte udhëtuar rregullisht me Nixonin në Rusi dhe në ish-vendet e tjera sovjetike.
Më 1994, Nixon e emëroi atë kryetar të Qendrës për Interes Kombëtar, e cila në atë kohë quhej Qendra e Nixonit për Paqe dhe Liri.
Simes u largua nga kjo pozitë më 2022.
Ai ishte gjithashtu këshilltar në fushatën presidenciale të Donald Trumpit më 2016 dhe e aranzhoi një fjalim të rëndësishëm për politikën e jashtme më 2016, në të cilin Trumpi shpalosi vizionin e tij për bashkëpunim më të madh me Rusinë.
Emri i Simes u përmend më shumë se 100 herë në një raport të vitit 2019 nga prokurori i përgjithshëm amerikan, Robert Mueller, i cili quhej “Raporti për Hetimin e Ndërhyrjes Ruse në Zgjedhjet Presidenciale të Vitit 2016”.
Simes ishte moderator i një sesioni pyetje-përgjigje me presidentin e Rusisë, Vladimir Putin, në Forumin Ekonomik Ndërkombëtar në Shën Petersburg më 2023./ REL
Lajme të tjera
-
SHBA miraton shitjen e sistemeve Patriot në Gjermani
16 Gusht, 17:33 -
Drejtuesi në Policinë e Shtetit, Dorian Muça diplomohet në Akademinë e Udhëheqjes së Departamentit të Sigurisë Kombëtare të SHBA
16 Gusht, 16:41 -
SHBA: Rusia ka tërhequr disa njësi këmbësorie nga Ukraina lindore pas inkursionit ukrainas në Kursk
16 Gusht, 13:57 -
Ofensiva e Kurskut, armët e NATO-s luftojnë për herë të parë në Rusi! Kievi avancon në territorin rus, furnizimet evropiane luajnë rolin kryesor
16 Gusht, 09:30 -
Vrasja në grabitje e aktorit amerikan të 'General Hospital' në SHBA, të paktën 4 të arrestuar
16 Gusht, 08:42 -
Tentoi të rrëmbejë dy vajza të mitura, shqiptari në SHBA rrezikon burg përjetë
16 Gusht, 08:04 -
Donald Trump do ‘rrethohet’ me xham antiplumb në mitingjet e fushatës! Shërbimi Sekret forcon masat e sigurisë
16 Gusht, 07:56 -
Informacionet e zbulimit dhe armët amerikane, kyçe në ofensivën e Ukrainës në Kursk
15 Gusht, 21:23 -
BE-ja kritikon Serbinë për bashkëpunimin me Rusinë
15 Gusht, 19:42 -
SHBA/ Kandidatët për zv.president Tim Walz dhe J.D. Vance do të përballen në debat më 1 tetor
15 Gusht, 18:40 -
Mjekë dhe tregtarë droge, arrestime masive për vdekjen e Matthew Perry-t
15 Gusht, 18:25 -
Lufta në Ukrainë/ Moska dërgon përforcime në Belgorod! Kievi: Ne kontrollojmë 82 qytete
15 Gusht, 16:30
