POP 5

Lajmet më të lexuara të 5 minutave të fundit

Bota

FDA përkrah dozën përforcuese për disa kategori të popullsisë

Edhe SHBA  kanë miratuar vendimin për të përdorur një dozë të tretë përforcuese të vaksinën anti-COVID në përpjekje për të siguruar një mbrojtje sa më të madhe kundër COVID-19.

Administrata amerikane për Ushqim dhe Ilaçe ka autorizuar dhënien e vaksinës përforcuese kundër koronavirusit, për disa kategori të popullsisë, përfshirë personat mbi moshën 65-vjeçare dhe ata më të rrezikuar nga infeksionet.  Kështu FDA ka dhënë autorizim për përdorim emergjent të vaksinës së prodhuar nga kompania Pfizer/BioNTech.

Ky autorizim është i kufizuar për amerikanët që janë nga mosha 65-vjeçare e tutje, të rinjtë me probleme shëndetësore dhe personat, puna e të cilëve i vë ata në rrezik nga koronavirusi, siç janë punëtorët shëndetësorë, mësuesit, punëtorët nëpër dyqane dhe stafi në burgje.

Miratimi nga rregullatori amerikan ka ardhur pasi një panel i pavarur ekspertësh ka votuar javën e kaluar në të mirë të rekomandimit të dozës së tretë për personat që janë më të rrezikuar nga COVID-19. Vendimi për dozë të tretë vlen vetëm për vaksinën e kompanisë Pfizer/BioNTech.

Rregullatorët amerikanë do të vendosin më vonë për dozat përforcuese për personat që kanë marrë vaksinat e kompanive, Moderna apo Johnson & Johnson.

Dozën e tretë të vaksinës anti-COVID po e përdorin disa vende në botë I pari ishte Izraeli, për të filluar më pas me Francën, Italinë, Britaninë e Madhe, Gjermaninë e shumë vende të tjera evropiane, pavarësisht thirrjeve të vazhdueshme të OBSH për imunizim të tufës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

27 Janar, 20:43