POP 5

Lajmet më të lexuara të 5 minutave të fundit

Kronikë

Me këmbën e operuar, 9-vjeçarja dy orë rrugë për të shkuar në shkollë

Vështirësitë nuk kanë të sosur për banorët e Thumanës. Mes rrënimit që la tërmeti, mbetet problem edhe shkollimi. Çdo ditë fëmijët e fshatit Shkozë-Bardhë përshkojnë në këmbë dy orë rrugë për të shkuar në shkollë. Mes tyre është edhe një vajzë 9-vjeçe e operuar në këmbë. Gazetari Julian Shota na sjell problematikën, ndërsa Bashkia e Krujës premton LIVE në Report TV se do të mundësojë transportin falas për këta nxënës.

Është 9-vjeçe dhe bën çdo ditë dy orë rrugë në këmbë për të shkuar në shkollë. Si kjo vogëlushe janë dhe 20 fëmijë të tjerë të fshatit Shkozë-Bardhë të cilët çdo ditë përshkojnë 10 kilometra nga fshati i tyre në shkollën e Thumanës.

“Jam në klasë të tretë. Shkojmë në shkollë në këmbë për 1 orë dhe 1 orë tjetër e bëjmë për të ardhur”, tregon vajza.

Nëna e 9-vjeçares, Luljeta Bajrami mes dhimbjes tregon se e bija ka bërë një ndërhyrje kirurgjikale në këmbë dhe së afërmi duhet të bëjë ndërhyrje edhe në këmbën tjetër.

“Gocën e kam të sëmurë, gocën e kam me operim në këmbë dhe tani i duhet të bëj operim dhe këmbën tjetër me çfarë të shkojë. Dy fëmijë i kam paradite dhe dy i kam pasdite. Fëmijët e bëjnë rrugën për 1 orë. Jemi në kushte shumë të vështira, rrimë në çadër se kemi frikë të rrijmë brenda. Me thënë të drejtën unë jam invalide vetë dhe ekam shfrytëzuar invaliditetin tim për fëmijët”.

Kjo është sfida e përditshme për tu arsimuar e kësaj vajze me probleme shëndetësore dhe sociale. Familja Bajrami jeton në kushte të vështira, mbetur në ccadër që prej termetit të 26 nëntorit.

Fshati Shkozë-Bardhë, apo si njihet ndryshe Fushë-Thumana nuk ka një shkollë. Fëmijët e këtij fshati mësojnë me turne në shkollën e Thumanës, duke ecur ccdo ditë në shi apo diell në këmbë.

Teksa historia u raportua LIVE në Report TV erdhi dhe reagimi nga Bashkia e Krujës, e cila premtoi se do të japë bonusin e transportit për banorët e këtij fshati.

Report Tv do ta ndjekë sërish problematikën e transportit për nxënësit e Shkozë-Bardhës në Thumanë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57