Fërgesë vere në furrë zonja Albana

Fërgesë vere në furrë

Përbërësit:

• 2 domate
• 1 spec jeshil
• 1 spec djegës
• 80 gr djathë të bardhë
• Vaj ulliri
• Rigon i freskët
• Kripë, piper

Përgatitja:

Fillimisht marrim domatet dhe I presim në formë rrethore, specat jeshil I presim në rrathë të hollë, djathin e presim në kubikë. Marrim një tavë balte në madhësi të vogël, e spërkasim me vaj ulliri, në të shtrojmë domatet e prera në rrethore, më pas specat dhe djathin.  I spërkasim me vaj ulliri, kripë, piper, rigon dhe sipër shtrojmë sërish domatet, specat, djathin, vaj, piper, rigon dhe e vendosim në furrë në 180 gradë Celsius. Masa duhet të qëndrojë në furrë për aq kohë sa djathi të marr një ngjyrë kafe të lehtë. Më pas e nxjerrim nga furra, e lëmë të ftohet dhe është gati për servirje.

MC/Shqiptarja.com

TAG:
• fergese
• recete
• zonjaalbana