Fermeri demokrat që la Amerikën për Shqipërinë ia thotë në sy Ramës: Nëse keni plan për rrugën e Dukagjinit dhe letrat e tokës votoj Benetin! Si përgjigjet kryeministri

 

Një fermer që ka lënë Amerikën për Shqipërinë ishte i pranishëm në takimin e kryeministrit Edi Rama në Shirokë. Ai sqaroi qartë se do t’i thojë miqve të votojnë Benet Becin më 14 maj nëse i japin zgjidhje për rrugën e Dukagjinit dhe letrat e tokës. Rama i sqaroi se të gjitha do të kenë përgjigje nëse Shkodrës do t’i vihet në kryer një kryetar i denjë bashkie.

Fermeri: Unë jam shqiptar amerikan. Si demokrat, punën që bëj këtu në qytetin e Shkodrës e kam bërë edhe në Amerikë. I kam shërbyer zv.presidentes së Amerikës, Camala Harris disa herë. Kam dalë në Shllak, kemi një vend ku të parët e mi kanë zënë vend aty. Problemi që kam si fermer është se sa herë dal atje, më prishet makina. Doja të dija a ke ndonjë plan për rrugën e Dukagjinit e të Shllakut e si demokrat t’i them miqve të mi, të votojmë Benetin se do e ndryshojmë Shkodrën. S’po mundemi të bëjmë letrat e tokës. Po të kishit plan për ne, i kemi tokat e bagëtitë, ne s’na jep askush asgjë se s’kemi letra.

Rama: Kjo punë do kryetar bashkie. Shkodra ka 31 vjet pa kryetar bashkie. Atje ka njerëz pak të interesuar për të ndryshuar gjërat. Edhe rruga e njëjta gjë, si ta bëjmë kur janë rrugët e bashkisë. Ne mund të bëjmë rrugët nacionale por rrugë bashkie e komunash, nuk i bëjmë ne. Duhet të kemi partneritet dhe mbështetje nga bashkia.

Fermeri: Të marrsha të keqen jam fshatar e kam të drejtë me fol.

Rama: Ti je fshatar amerikan. Ne katunarët e Tiranës e kemi kështu, bën pyetje, mbaron fjalën e vazhdon, ia kalon dikujt tjetër mikrofonin.

Lajmi kryesor:

Rama takim në Shkodër: Kemi projekte shumë të mira po s’na jep leje Bashkia! Benetin e gjeta nga Berisha, por ata s’dinë ta vlerësojnë

A.M./LR/Shqiptarja.com

TAG:
• Benet Beci
• edi rama
• zgjedhjet vendore 2023
• Shkoder