Festa Kombëtare e Egjiptit/ Meta: Kemi lidhje të veçanta historike e tradicionale

Presidenti i vendit, Ilir Meta ka marrë pjesë në ceremoninë e Festës Kombëtare të Egjiptit, ku ka thënë se është shumë i gëzuar për këtë pritje të Ambasadës Egjiptit.

Meta ka kujtuar edhe figurat e rëndësishme shqiptare që kanë qenë aktorë të rëndësishëm në formimin e Shtetit të Egjiptit, si Mehmet Ali Pasha, por edhe për veprimtarinë e patriotëve dhe atdhetarëve tanë të shquar si Thimi Mitko, Andon Zako Çajupi e Aleksandër Xhuvan.

"Shumë i gëzuar të merrja pjesë në pritjen e Ambasadës së Egjiptit, me rastin e Festës Kombëtare të këtij vendi, me të cilin kemi lidhje të veçanta historike e tradicionale, jo vetëm për rolin e pazëvendësueshem në formimin e shtetit të Egjiptit të shqiptarit të famshëm Mehmet Ali Pasha, por edhe për veprimtarinë e patriotëve dhe atdhetarëve tanë të shquar si Thimi Mitko, Andon Zako Çajupi e Aleksandër Xhuvani, të cilët krijuan në Egjipt vatrat e para të lëvizjes kombëtare shqiptare.Të vendosur për të forcuar më tej këto marrëdhënie në të gjitha fushat, si dy vende mesdhetare mike" shkruan Meta.

TAG:
• Ilir Meta
• egjipt