Pandemia e COVID-19 ka bërë që emigrantët tanë në Greqi të mos kthehen për festat e fundvitit. Në vigjilje të krishtlindjeve në Kakavijë situata është krejtësisht e qetë ku kanë mbërritur 3200 udhëtarë, ose 90 për qind më pak se vitin e kaluar. Por ndryshe paraqitet situata në Morinë, pasi në doganë ka pasur fluks emigrantësh kosovarë që janë kthyer në vendlindje.
Të paktë janë emigrantët që po kthehen nga Greqia për festat e fundvitit. Pandemia e COVID-19 është shkaku kryesor që i ka penguar të vijnë pranë familjeve. Në pikën kufitare të Kakavijës gjatë 24 orëve të fundit kanë hyrë 3200 udhëtarë, ose 90 për qind më pak se vitin e kaluar.
“Do rrimë nja 15-20 dite, nuk e dimë ne ç’të themi”, shprehet një emigrante shqiptare.
“Jam nga Linza, jam shqiptare ku do vete”, shprehet një emigrante tjetër.
Ndërsa drejt Greqisë kanë udhëtuar rreth 1 mijë persona gjatë 24 orëve të fundit. Ata janë kryesisht punëtorë sezonal në shtetin fqinj.
“Isha me pushime në Shqipëri dhe po vete për në Athinë tani se atje e kam familjen. E kemi bërë tamponin rregullisht në Tiranë dhe më ka dalë negativ e të shohim c’a do bëhet me palën greke” , shprehet një emigrant shqiptar.
“Do iki për Athinë, Tamponi më ka dalë negativ” , shprehet një emigrant tjetër.
Në Pikën Kufitare të Kakavijës është i stacionuar stafi mjekësor që merr te dhënat e udhëtareve. Ata që vijnë transit nga vende si Anglia e Danimarka ku COVID-19 ka pësuar mutacion, këshillohen të karantinohen për 14 ditë.
Situata paraqitet ndryshe në doganën e Morinës në Kukës. Festat e fundvitit kanë shtuar lëvizjet e automjeteve dhe qytetarëve në të dyja anët e kufirit të përbashkët Shqipëri-Kosovë.
“Vij prej Italisë. Për pushime do rrijë 2 javë. Vetëm temperaturën na e ka marrë. Do bëj izolim”, tha një emigrant.
“Po shkoj në Kosovë. Nga Italia vij. Nuk na kanë bërë test, por do karantinohem një javë”, shtoi një tjetër.
“Vij nga Zvicra. Do rri nja dy javë ose tre. Rregullat secili ti respektoje për vete”, tha një tjetër.
“Nuk na kërkuan test. Do rri një javë”, shtoi një emigrant.
Nga kjo e martë qeveria e Kosovës, vendosi masa të reja shtrënguese në të gjitha pikat kufitare tokësore ku kusht është testi PCR me vlefshmëri 72 orë.
Lajme të tjera
-
Pirro Dhima kërkon vota në emër të ‘Vorio Epirit’ dhe si ‘Pirro i të gjithë grekëve’ me pamje nga Shqipëria
18 Prill, 19:20 -
Kukës, njësi speciale Kosovë - Shqipëri për të parandaluar kontrabandën në Morinë! 15 milionë hyrje-dalje u shënuan vitin e kaluar
16 Prill, 19:09
-
Kukës, hetim penal për një 45-vjeçar nga Kosova, tentoi të fuste nga Morina 24 900 euro të padeklaruara
16 Prill, 11:37 -
Fluks i lartë qytetarësh nga Kosova drejt Shqipërisë për të kaluar fundjavën
13 Prill, 10:32 -
Kakavijë, gjermani tenton të kalojë në Greqi me 15 lingtona floriri e mbi 20 mijë euro e franga zvicerane të fshehura në furgon
9 Prill, 22:52 -
Greva e sindikatave greke, vijon edhe sot bllokimi në pikat kufitare me Greqinë! Nuk lejohet të kalojë asnjë makinë, vetëm këmbësorët
3 Prill, 08:54 -
Doganierët grekë në grevë, bllokohet kalimi i të gjithë mjeteve në pikat e kalimit kufitar më 2-4 prill
1 Prill, 10:23 -
Kakavija, Tre Urat dhe Qafë Botë do jenë të mbyllura nga 2 - 4 prill! S'do lejohen makinat, vetëm këmbësorë! Shkak protesta e sindikatave greke
31 Mars, 13:14 -
Sekuestrohen mbi 11 mijë euro të padeklaruara në Kakavijë
30 Mars, 16:09 -
Doganat greke paralajmërojnë grevë më 2-3 prill! Do ‘paralizohet’ lëvizja e kamionëve në Kakavijë, s'ka pengesa për pasagjerët
30 Mars, 10:49 -
Alban Daci: Qasja e marrëdhënieve me Greqinë!
28 Mars, 13:44
-
VIDEO/ Fluks automjetesh në pikën e kalimit kufitar në Morinë! Shoferët për Report tv: Radhë për të kaluar në Kosovë
8 Mars, 16:20
