POP 5

Lajmet më të lexuara të 5 minutave të fundit

Ekonomi

Festat e fundvitit rrisin çmimet e ushqimeve, qytetarët: Për pensionistët janë të papërballueshme

Në prag të festave të fundvitit çmimet e produkteve ushqimore janë rritur nga 20 deri në 40 lekë për kg. Sot në Pazarin e Ri një kg arra shiteshin 1.000 lekë, ndërsa kg mollë shkon 150 lekë. Për qytetarët këto çmime janë të papërballueshme sidomos për pensionistët, ndërkohë ka edhe të tjerë që shprehen se çmimet janë normale por të ardhurat e tyre në tërësi janë të dobëta.

Me ardhjen e festave të fundvitit, çmimet e produkteve të shportës kanë pësuar rritje. Nëpër dyqane dhe tregje kryesisht frutat dhe perimet janë shtrenjtuar mesatarisht me 20 lekë të reja për kilogram, duke dhënë ndikim të menjëhershëm në xhepin e konsumatorit. Kjo luhatje e çmimeve është më e ndjeshme tek pensionistët, të cilët veç të ardhurave minimale përballen në çdo fundviti edhe me çmime më të larta. 

“Unë e kapërcej por të tjerët jo. Shokët e mi nuk e përballojnë." tha një blerës 

"Unë s’mora gjë fare, vetëm një kadaif mora." shprehet një tjetër.

Ndërkohë një tjetër blerës thotë : "Po çmimet janë pothuaj normale se tregtarët do të fitojnë problemi është se në përgjithësi nuk ka lekë. Nuk është puna tek çmimet është puna se nuk kanë lekë njerëzit. Mirë do të ishte të kishte pak më shumë ekonomi më të lartë."

"Mos kujto se janë lirë për ne pensionistët, të gjitha çmimet janë shtrenjtë”. tha një i moshuar.

Sot në tregun e Pazarit të Ri 1 kg portokalle i blen me 130 lekë, ndryshe nga një javë më parë ku çmimi arrinte deri në 100 lekë, 30 për qind më shumë. 1 kg mollë në të njëjtin vend këtë të hënë i kushton qytetarit 150 lekë, nga 100 që ishte pak ditë më parë, pra në rritje 50%. 

Rritja e çmimeve është akoma me e ndjeshme tek produktet tradicionale të viti ri, siç janë arrat ku një kg i të cilave sot kushton 1 mijë lekë të reja, apo rasti i bajameve ku 1 kg arrin në 1.800 lekë. 

Shkak për rritjen e çmimeve përveç sezonit të festave është edhe importi i lartë i këtyre produkteve. Referuar raportit të INSTAT për tregtinë e jashtme në 11 muaj importet u rritën 2,1 % krahasuar me 2018, dhe grupi i  “Ushqime, pije, duhan” ndikoi mjaft në këtë rritje. Ndërkohë në raportin vjetor referuar Indeksit të çmimeve të konsumit, Instituti I Statistikave konstaton se në grupin “Ushqime dhe pije joalkoolike” çmimet janë rritur me 3,7 %.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arifi: 28/12/2019 01:59

    Shkoni tek tregu tek ish-uzina dinamo ,,atje i keni mandarinat-portokallet me 600 leke te vjetra...

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51