POP 5

Lajmet më të lexuara të 5 minutave të fundit

Kultura

Festat e Pavarësisë rikthejnë Tedi Papavramin në ‘Opera’, violinisti: Luaj pas 40 vitesh, ‘Balladën’ e Pjetër Gacit! Më çon në fëmijërinë time

Festat e Pavarësisë rikthejnë sot në mbrëmje në orën 19.00 violinistin Tedi Papavrami në skenën e Operas. Pas 4 dekadash luan “Balladën” e Pjetër Gacit e të tjera kompozitorë të huaj, i shoqëruar nga pianisti i njohur francez Philippe Biancon

E rikthen në Teatrin e Operas, 110-vjetori i Pavarësisë… Ndaj në festën e tingujve të violinës, Tedi Papavrami, nuk mund ta privonte publikun vendas nga muzika shqiptare… “Balladën” e Pjetër Gacit, thotë se shpirti e memoria e tij e kanë konservuar si të mos qe shkëputur kurrë prej fëminisë në Shqipëri… e pret me endje ta luaj këtë mbrëmje. Hera e fundit që e ka performuar ka qenë plot 4 dekada më parë, kur sa kishte mbërritur në Francë.

“Ndonëse zgjedhja e kompozitorëve të huaj qe logjike dhe përputhet me ekuilibrin e një programi recitali, zgjedhjen e pjesës shqiptare ia lash në dorë një rryme më sentimentale. Jam sigurisht koshient që në historinë e muzikës shqiptare ka vepra më madhështore e të ndërlikuara se “Ballada” e kompozitorit shkodran Pjetër Gaci. Por veprat shqiptare që më lidhin me të kaluarën time në Shqipëri, në një kohë fëminore, kur nuk mendoja kurrë që do të jetoja më vonë në një vend tjetër, nuk janë të shumta dhe asnjë nga ato nuk është aq domethënëse sa kjo pjesë”, shprehet violinisti Tedi Papavrami.

E shoqëron në piano Philippe Bianconi, që vjen për herë të parë përballë publikut tonë. Me të kanë interpretuar në skena prestigjioze prej afro tri dekadash. Është një nga instrumentistët më të vlerësuar francez, që siç kritika e cilëson, “di të mbërrijë me një lojë të rrallë pranë shpirtit të muzikës, duke e mbushur hapësirën me poezi e jetë”.

“Është diçka e mrekullueshme për mua, dhe kaq emocionuese të jem këtu sot dhe të luaj për herë të parë një koncert në Shqipëri, në vendin e tij të lindjes,  në vendin ku  Tedi u rrit! Është një mundësi shumë e mirë, dhe jam shumë i lumtur që po e ndajmë bashkë!”, thotë pianisti Philippe Bianconi.

Dy artistët vijnë në Shqipëri në kuadër të Javëve Kombëtare dhe do të luajnë sot pjesë nga kompozitorë si Beethoven, Brahms dhe Franck.

G.MO//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Përse Wisconsin është thelbësor në garën presidenciale të vitit 2024?

Përse Wisconsin është thelbësor në garën presidenciale të vitit 2024?

4 Nëntor, 18:47