POP 5

Lajmet më të lexuara të 5 minutave të fundit

Sociale

Festat mbaruan, fluks i emigrantëve në Portin e Vlorës, 1700 persona në dy ditë! Bie përkohësisht sistemi i doganës maqdonase në Qafë-Thanë, radhë mjetesh (VIDEO)

Këtë të shtunë, me tragetin Vlorë-Brindisi janë larguar 1000 persona, ndërsa në dy ditët e fundit ky numër ka shkuar në 1700 persona. Pala maqedonase njoftoi se ra sistemi pasditen e sotme në Doganën e Qafë-Thanës, për shkak të internetit, duke krijuar fluks mjetesh në kufirin me Shqipërinë. Shtohen sportelet, vijon normalisht lëvizja pas kthimit të internetit 

Vlorë- Porti i Vlorës regjistron fluks të shtuar të hyrje-daljeve në dy ditët e fundit. 

Rikthimi i shtetasve shqiptarë dhe të huaj në vendet e tyre të punës, pasi kanë kaluar festat e fundvitit në Shqipëri, ka sjellë edhe fluksin në kufi. 

Këtë të shtunë, me tragetin Vlorë-Brindisi janë larguar 1000 persona, ndërsa në dy ditët e fundit ky numër ka shkuar në 1700 persona. Pasi kane kaluar festat me familjet e tyre, emigrantët pranojnë se këtë vit ka pasur më shumë fluks në pikën kufitare të Portit të Vlorës, krahasuar me vitet e shkuara.

Fluksi i lëvizjes pritet të vijojë sipas autoriteteve portuale edhe në ditët në vijim.

Ndërkohë që probleme me lëvizjen në kufi pati edhe në Doganën e Qafë-Thanës, me fluks dhe radhë mjetesh në hyrje dalje të tokës maqedonase.

Pala maqedonase njoftoi se ra sistemi pasditen e sotme në Doganën e Qafë-Thanës, për shkak të internetit, duke krijuar fluks mjetesh në kufirin me Shqipërinë. U shtuan sportelet dhe vijoi normalisht lëvizja pas kthimit të internetit.

Rendit zhvillimet sipas orarit:
Ora 16:06
Qafë-Thanë/ Bie përkohësisht sistemi i doganës së Maqedonisë së Veriut, fluks mjetesh në hyrje-dalje me Shqipërinë! Rritet numri i sporteleve (VIDEO)

Korçë- Në doganën e Qafë-Thanës, pak momente më parë, ka rënë përkohësisht sistemi në anën e kufirit të Maqedonisë së Veriut.

Kjo ka bërë që të krijohet fluks i lartë në hyrje dhe dalje të Shqipërisë. Shkak ka qenë mosfunksionimi i linjës së internetit.

Mësohet se edhe pse pati probleme me sistemin pala maqedonase, mjetet vijuan të kalojnë, por më ngadalë. 

Gazetari i Report TV, Armand Braho, informon se autoritetet kanë hapur sportelet në maksimum, ndërsa aktualisht shihet moment me lëvizje të shtuara të mjeteve.

Kjo situatë zgjati vetëm përkohësisht, pasi interneti u rikthye dhe lëvizjet e mjeteve dhe qytetarëve vijuan normalisht.

A.Q/Shqiptarja.com

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Janar, 17:13

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Një familje zaptoi rrugën në fshatin Romanat të Durrësit, IKMT liron hapësirën! 2 familjarët kundërshtojnë, shoqërohen në polici

Një familje zaptoi rrugën në fshatin Romanat të Durrësit, IKMT liron hapësirën! 2 familjarët kundërshtojnë, shoqërohen në polici

6 Janar, 16:44 nga Artur Korriku