Pas dy sezoneve Pogradeci ia arriti të siguronte rikthimin në Kategorinë e Parë. Të besuarit e Samuel Nikës fituan 4-1 në fundjavë kundër Turbinës, duke bërë realitet një ëndërr të tifozëve.
“Më në fund, më në fund ia arritëm qëllimit. Kemi dy vjet që e vuajmë dhe e kërkojmë me ngulm rikthimin. Më në fund erdhi dita jonë. E kemi merituar edhe vjet, por fatkeqësisht fati s’ishte me ne. Tani vërtetë e meritojmë,”-u shpreh Hermes Shkullaku, futbollist i Pogradecit.
“Kam fituar edhe tre herë kategorinë e parë por di të them diçka që kjo Kategoria e Dytë ishte shumë më e vështirë,”-tha Samuel Nikaj, trajner i Pogradecit.
Përveç 2 mijë tifozëve në stadium, këtë ndeshje e bëri më emocionuese edhe fakti që kapiteni Armir Pura u tërhoq nga futbolli.
“Janë emocione shumë të forta. Falenderoj të gjithë çunat, stafin drejtues, tifozëve dhe gjithë të tjerëve. Iu them që iu dua shumë. Mbyllja e karrierës? Është kënaqësi që arrita të luaj gjithë këto vite,”-u shpreh Armir Pura, kapiten i Pogradecit.
Liqenorët do rikthehen në Kategorinë e Parë si kampionë të grupit B në Kategorinë e Dytë, ndërsa po këtë fundjavë Valbona u shpall kampione e grupit A në Kategorinë e Dytë. Fitorja 5-1 kundër Murlanit i suguroi tropojanëve për herë të parë në histori ngjitjen në Kategorinë e Parë sezonin e ardhshëm. Një arritje që u festua në fushë dhe jashtë saj, me futbollistët që kërcenin me tifozët.
Më herët, Elbasani që prej javësh kishte siguruar ngjitjen në Superligë, me fitoren 5-0 kundër Tomorrit siguroi edhe matematikisht titullin kampion në Kategorinë e Parë. Një titull që çoi peshë zemrat e tifozëve. Ndërkohë për shkak të humbjes 1-0 kundër Flamurtarit Luzi zbriti matematikisht në Kategorinë e Dytë, duke iu bashkuar Tomorrit.
Lajme të tjera
-
Kupa e Shqipërisë/ Surprizë në Vlorë, Besa eliminon Flamurtarin! Tetë skuadrat që kalojnë më tej, në 1/8 spikat Tirana - Bylis (Çiftet)
20 Nëntor, 15:53 -
Aksident me 3 të plagosur, bllokohet për 1 orë e gjysmë aksi Pogradec-Lin (VIDEO)
14 Nëntor, 16:26 -
Nënshkruhet në Azerbajxhan memorandumi i gazifikimit të Korçës, Me Emiratet Arabe firmoset marrëveshja për kompani të përbashkët energjetike
12 Nëntor, 18:28 -
Pogradeci largoi trajnerin, ul në stol ish-in e Tiranës
12 Nëntor, 10:00 -
37 vite nga vdekja e Lasgush Poradecit! Liriku i madh i letërsisë dhe atdhetari i mbrojtjes së kombit dhe traditës së Rilindjes
12 Nëntor, 09:05 -
Superliga/ Magani debuton me fitore, Tirana 'poker' Bylisit! Laçi 1-1 AF Elbasani, verdheblutë gjashtë ndeshje pa sukses
10 Nëntor, 18:56 -
Renditja/ Flamurtari ndalet në Burrel, Besa fiton 2-1 kundër Valbonës! Vlonjatët në krye të Kategorisë së Parë
10 Nëntor, 16:10 -
VIDEOLAJM/ Vlorë, panik në ndeshjen Oriku - Shkumbini! Dy futbollistët përplasen me njëri-tjetrin në fushë, lojtari peqinas humb ndjenjat
10 Nëntor, 14:18
-
Renditja/ Kukësi fiton pas pesë ndeshjeve, mposht Erzenin në Shijak! Kastrioti mund Pogradecin, Nikaj jep dorëheqjen
9 Nëntor, 16:25 -
Renditja/ Vora hap fals, në Fier fiton Apolonia! Lushnja mposht Korabin në Kategorinë e Parë
8 Nëntor, 16:08 -
Kërcënoi në krye të detyrës gazetarin e Report TV Armand Braho, Prokuroria e Korçës nis hetimet për shoferin e Bashkisë Pogradec
8 Nëntor, 12:15 -
Kërcënoi në krye të detyrës gazetarin e Report TV Armand Braho, vihet nën hetim shoferi i Bashkisë Pogradec
7 Nëntor, 15:18
