Festivali Ndërkombëtar i Dancit Bashkëkohor, solli në vendlindje emrat më të mirë të baletit të njohur në arenën ndërkombëtare.
“Ishte hera e parë që zhvillohej në Shqipëri një Festival për dancin bashkëkohor, e pranova ftesën me kënaqësi, madje mund të them se më gëzoi shumë”, thotë koreografi e balerini Eno Peçi.
Mbrëmjen e së premtes, mes 4 numrash Eno Peçi vë në skenë dy pjesë bashkëkohore. Në performimin e “Zeitraum” vihen përballë bota reale e ajo virtuale, për të nxjerrë në pah izolimin që sjell teknologjia.
“U mundova të dërgoja disa imazhe të ndryshme nëpërmjet pjesës, ku mjeti ishin kufjet dhe shpresoj që publiku ta ketë pëlqyer dhe të jetë inspiruar “, shton më tej Peçi.
Mandej ai performon në “Optusin” e tij, ku rrëfen përmes gjuhës së trupit, një histori të përfunduar dashurie.
“Ka të bëjë me një lidhje që prej shumë kohësh ka mbaruar pa zënka pa mërira, si punë e asaj flakës që shuhet vetë...”, tregon Peci.
“Winds and Waltzes” erdhi në skenën e Operas me koreografi të Gentian Dodës dhe Dimo Milev.
“Ishim katër koreografë të ndryshëm, ku edhe mënyra e prezantimit është ndryshe, dhe kjo ëhstë diçka shumë e veçantë dhe për publikun, sepse në fund të fundit vjen si edukim ose kulturë , për të cilat çdo njeri ka nevojë”, thotë koreografi.
Ndërsa 5 balerinë të “Operas” performuan koreografinë e Angelin Preljocaj ‘Ghost’.
“Është bërë një punë intensive me Preljocajn prej një muaji bashkë me asisteten e tij Natalinë të cilën duhet ta falënderoj sepse ka qenë shumë kërkuese që ne katër gocat dhe Tokja arritëm këtë perfeksion sot në TKOB”, thotë solistja e parë e baletit në TKOB, Adela Muçollari.
Është baleti i pestë i Preljocaj për solistët e Operas, të cilët nuk e fshehin entuziazmin për Festivalin, e as për ballafaqimin me dinjitet me kolegët që vijnë nga jashtë.
“Është një frymë që mungon... Është diçka shumë e madhe të sjellësh koreografët shqiptar në vendlindje. Kjo është shtëpia e tyre jo vetëm e jona dhe besoj se është një festival që i mungon jo vetëm Tiranës, dhe do doja të të shpërndahej në të gjithë Shqipërinë”, thotë solisti i parë i Baletit në TKOB Eltion Merja.
E premtja e risjell magjinë e kësaj mbrëmje, për të finalizuar rrugëtimin e edicionit të parë të këtij Festivali, të mbajtur nga ‘Harabel’.
Lajme të tjera
-
Guida kulturore/ Naxhi Bakalli sjell ekspozitën 'Përherësi'! Në TKOB opera klasike e Puçinit, 'Tosca' në një version për fëmijë
8 Nëntor, 11:30
-
Opera “Tosca” rikthen pas 13 vitesh tenorin Saimir Pirgu
4 Nëntor, 15:53
-
Rikthehet në TKOB “Plaga e dhjetë e Gjergj Elez Alisë”, shfaqja bën bashkë emrat e Ibrahimit, Kadaresë dhe Aliajt
24 Tetor, 16:37
-
‘Gjenerata romantike’ sjell Chopin dhe Schumann në TKOB! Studentët italianë në Shqipëri, Bakiu: Kthehem në shtëpi
23 Tetor, 14:06
-
‘Frymë vere’, instrumentistët e TKOB koncert në Pogradec
30 Korrik, 20:49 -
'Ismail Kadare do prehet në një vend vetëm të tij' Fjalimi i plotë i Edi Ramës: Çmë panë sytë duke u marrë me funeralin! Hija e Nënë Terezës e mbrojti nga kush s'e deshi (FJALIMI I PLOTË)
3 Korrik, 12:06
-
'Fatalita' në Tiranë! Opera e koreografit të njohur italian, Toni Candeloro solli gratë ikonë në skenën e TKOB
27 Qershor, 17:44 -
Vjen në Teatrin e Operas dhe Baletit opera 'Madama Butterfly' e kompozitorit Giacomo Puccini, produksion i ri nga 'Festival Pucciniano di Torre del Lago'
24 Maj, 13:55 -
Adela Muçollari shkëlqen me performancën në Itali, vlerësohet me çmimin ‘Premio Eccellenze Artistiche’
5 Mars, 07:46 -
11 shtetas të rinj betohen për shtetësinë shqiptare, mes tyre balerini me famë ndërkombëtare; Veliaj: Misioni ynë është që të gjithë bashkë ta bëjmë Shqipërinë më të mirë
4 Mars, 15:13 -
Krishtlindje me ‘Arrëthyesin’! Për herë të parë baleti dhe për personat që nuk shikojnë, Diego: Gjithmonë e kam ëndërruar! Voshtina: Të lumtur që i patëm në gjirin tonë
23 Dhjetor 2023, 18:01
-
'Attila' e Verdit premierë në Teatrin e Operës dhe Baletit, Ibrahimi: Një nga veprat më të bukura, shfaqet për 4 net
10 Nëntor 2023, 20:34
