Na ndajnë vetëm dy javë nga edicioni i 57-të i Festivalit të Këngës në Radio Televizionin Publik Shqiptar. Por, vetëm sot janë prezantuar në faqen zyrtare të festivalit, këngët e 22 konkurrentëve të këtij edicioni.
Ashtu siç ka bërë të ditur edhe drejtoresha e Festivalit, Inva Mula, këtë vit këngët nuk do të zbulohen të plota, pasi formula e prezantimit të këtij edicioni ka si qëllim njohjen me një pjesë të këngës gërshetuar me një intervistë të artistit pjesëmarrës në garë, autorëve të këngës, apo edhe momente nga rutina e vetë protagonistëve.
Artistët kanë përzgjedhur vetë fabulën me të cilën shfaqet në këto klipe promovuese dhe njohëse njëherësh me materialet muzikore me të cilët do të garojnë në Festivalin e madh të muzikës. Këngët pjesëmarrëse do të prezantohen nën shoqërimin e Orkestrës së madhe të Radio Televizionit Shqiptar.
Ndërsa, këngëtarja Vikena Kamenica me këngën e saj “Natën e mirë” nuk do të jetë pjesë e konkurrimit në Fesivalin e 57-të të Këngës në Radio Televizionin Shqiptar. Shkaku?! Impenjimet e papritura profesionale të artistes. Në vend të saj kënga, që do vijojë garën është “Dua ta besoj”, kënduar nga Artemisa Mithi & Febi Shkurti.
Komisioni që ka përzgjedhur 22 këngët përbëhet nga Inva Mula (soprano), Nestor Kraja (kompozitor) Martin Leka (zv.drejtor i Përgjithshëm në RTSH), Sokol Marsi (producent artistik), Bledar Laço (regjisor) dhe Pandi Laço (skenarist).
Fituesi do të përfaqësojë Shqipërinë në Eurosong, në Izrael. Festivali zhvillohet në dt. 20-21 & 22 dhjetor në Pallatin e Kongreseve.
Lajme të tjera
-
‘Hir Krishtlindjesh’ mes ikonave të shenjtëve në Muze! Yllka Mujo uron shqiptarët pas mbrëmjes me poezi e tinguj: U bashkuan vargjet e poetëve me të shpirtit
27 Dhjetor 2023, 16:23
-
Vikena Kamenica koncert për festat e fundvitit në Korçë, artistja rikthehet pas dy vitesh shkëputje
25 Dhjetor 2022, 19:39
-
Reagimet/ Nga mesazhet sociale te juria, a është muzika kryefjalë e Festivalit, artistët: Të ftohen kompozitorët me emër
21 Dhjetor 2022, 18:15
-
Kush janë Robert Neçaj dhe Shkëlzen Lamuça, dy 'heronjtë' e pazakontë që priten nga Arbana Osmani në Festivalin e Këngës!
20 Dhjetor 2022, 21:47 -
Pas Alketa Vejsiut, Arbana Osmani prezanton Festivalin e Këngës, në krah të saj edhe Eduarti! Këtë vit, fituesin e zgjedh publiku
13 Nëntor 2022, 15:39 -
PS hap fushatën, sheshi kthehet në 'trëndafil'! Rama: Sot PD dha mesazhin e tmerrshëm, s'mund të jetë e ardhmja! Berisha e Meta s'kanë shans ta tërheqin më zvarrë Shqipërinë
25 Mars 2021, 17:03 -
11 këngët 100-vjeçare tiranase në koncertin jazz edhe classic “Nur i bukur të ka ra” (VIDEO)
3 Nëntor 2020, 17:35
-
Edhe Vikena Kamenica në krah të PS: E vetmja forcë progresiste, Veliaj kryetari transformues
30 Shtator 2020, 21:31
