Presidenti Ilir Meta zhvilloi Festivalin Kombëtar të Kulinarisë, Bujtinave dhe Prodhuesve Vendorë në mjediset e Presidencës, ku morën pjesë dhjetëra sipërmarrës shqiptarë, prodhues të vegjël dhe të mëdhenj, fermerë, blegtorë, bujtinas, mjeshtra të kuzhinës shqiptare, grumbullues dhe përpunues të prodhimeve bujqësore e blegtorale, autoritete qendrore dhe vendore, diplomatë të huaj, si dhe përfaqësues të turizmit nga Kosova, Mali i Zi dhe Maqedonia e Veriut. Në fjalën e tij, i falënderoi të gjithë që kanë vendosur ‘pasaportën’ e mikpritjes shqiptare.
“Jam krenar dhe i lumtur, që të jemi sot së bashku në Festivalin Kombëtar të Bujtinave, Restoranteve dhe Prodhuesve Vendorë dhe arritjeve të gjithë aktorëve vendorë të turizmit në vendin tonë! Kjo ditë e bukur më jep gjithë kënaqësinë, për të ndarë me ju, optimizmin dhe synimin për një sezoni turistik sa më të suksesshëm, optimist dhe shpresëdhënës, pas këtyre sfidave me të cilat jemi ndeshur. Ju keni vendosur ‘pasaportën’ tuaj të mikpritjes shqiptare, për të gjithë vizitorët nga rajoni, Europa dhe bota, për të gjithë turistët që e kanë zgjedhur Shqipërinë si destinacion dhe e kanë vendosur në ‘top listën’ e guidave të tyre. Është pikërisht puna juaj së bashku me atë të fermerëve, blegtorëve, prodhuesve të frutave, perimeve, kultivuesve dhe përpunuesve të bimëve mjekësore, peshkatarëve, bletërritësve, vreshtarëve dhe prodhuesve të verës, të vajit të ullirit, barinjve dhe përpunuesve të qumështit, baxhoxhinjve dhe shumë njerëzve të thjeshtë, të cilët me ekonomitë e vogla familjare, mbajnë këtë industri që duhet të rritet dhe konsolidohet dita ditës, duke marrë një peshë gjithnjë edhe më të madhe në rritjen e te ardhurave jo vetëm në ekonominë e vendit, por edhe për vetë familjet e thjeshta shqiptare”, tha Meta.
Meta shtoi se ky festival dëshmon se restorantet, bujtinat, prodhuesit vendorë të turizmit në Shqipëri, janë bashkuar dhe mbështetur rreth një filozofie, një misioni: “Për një turizëm cilësor, gjithëvjetor, konkurues dhe me standarde europiane, për të mirën e Shqipërisë dhe ekonomisë së shqiptarëve.” Ndër të tjera përmendi moton ‘Bukë, kripë dhe zemër’.
“E pikërisht jeni ju, përfaqësuesit e Shoqatës së Restoranteve, Bujtinave, Prodhuesve Vendorë, që me shumë angazhim, dhe përkushtim punoni, për të ndërtuar dhe integruar këto pasuri, tradita dhe vlera në një rezultat, që bukur e keni edhe nën moton tuaj: ‘Bukë, Kripë dhe Zemër.’ Prania dhe angazhimi juaj sot këtu, më jep shumë kënaqësi, pasi të merresh me turizëm sot është një punë shumë e vlerësuar dhe e respektuar, por aspak e lehtë, për shkak të sfidave të mëdha. Ju keni ardhur nga gjithë Shqipëria, pa dallime, pa ndasi, pa paragjykime, keni ardhur nga bjeshkët e bukura të Valbonës, dhe nga brigjet e Jonit”, tha Meta.
Lajme të tjera
-
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57 -
Mars 2008/ Akuza e rëndë në sallën e kuvendit, Ilir Meta: Ju nuk e dini, por Sali Berisha ka qenë kundër bombardimeve të NATO-s në Kosovë
7 Dhjetor, 11:33
