Në natën e katërt dhe finale të edicionit të 61-të të Festivalit të Këngës, juria e medies dhe ajo profesioniste duke vlerësuar me pikët nga 1 deri në 10 kanë shpallur artistin debutues më të mirë, këngëtaren Erma Mici, me "Kozmosi i dashurisë", poezinë e të cilës artistja e re e ka shkruar vetë.
Kënga është kompozim i saj dhe i Andi Lazaj. Artistja pas vlerësimit e ka shprehur mirënjohjen ndaj familjes për mbështetjen, si dhe bashkëpunëtorit të saj Andi Lazaj. Ky ishte çmimi i parë që u dha gjatë kësaj finaleje dhe u dorëzua nga përfaqësuesja e Bashkisë Tiranë Anuela Ristani.
Erma, është vajza e stilistit të njohur të modës, Altin Micit.
Gala, vajza e Robert Aliaj, ishte një nga të ftuarat speciale në finalen e Festivalit të Këngës. Ndonëse me temperaturë të lartë, artistja e re që po korr sukses në skenat ndërkombëtare, zgjodhi të jetë e pranishme në skenën e Pallatit të Kongreseve, në këtë ngjarje muzikore, pjesë e të cilës ka qenë edhe i ati artist.
Këngëtarja e re pasi interpretoi këngën "Contagious", performoi me të atin, këngën "Dy gjysma molle" të kënduar nga Robert Aliaj. Një duet ky siç thotë artisti, i paplanifikuar.
17-vjeçarja Gala, është kandidatja më e re në edicionin e 67-të të Këngës në Eurovizion. Ajo konkurron për një vend në Liverpool, në 14 janar në Paleis 12 në Eén bashkë me 6 këngëtarë të tjerë.
Këngëtarja Rovena Dilo është fituesja e çmimit të Karrierës, në këtë edicion të 61 të Festivalit të Këngës. Ky çmim jepet për ata artistë që kanë kontriubuar për më shumë se dy dekada në muzikën shqiptare. Dilo u vlerësua për këngën "Motit", tekstin e të cilës e ka shkruar vet. Ndërsa vlerësimi u dorëzua nga muzikanti Zhani Ciko, po ashtu anëtar i jurisë, i cili shprehu dhe mendimin e tij sa i përket risisë së këtij viti, që krahas çmimit të parë të Jurisë, do të jetë publiku që do të vendos përmes sms-ve, këngëtarin përfaqësues për në Eurosong.
"Unë mendoj se është një zgjidhje, koha do të tregojë se sa do të vazhdojë. Është një përgjegjësi për publikun. Nëse juria bën vlerësim për për performancën, edhe publiku do të ndiejë peshën e merr përgjegjësinë e përfaqësimit. Pra publiku është në provë!", thotë Ciko
Ndonëse kostoja e Festalit të Këngës, në këtë edicion të 61-të u zgjodh të mos bëhet e ditur nga stafi organizativ gjatë prezantimit për medien, pavarësisht pyetjes së Report tv, moderatorja Arbana Osmani, njëherazi drejtore artistike e ngjarjes muzikore, sqaron se veshja e saj e kushtueshme përgjatë 4 netëve, nuk është pjesë e buxhetit.
E pyetur nga aktorja Olta Dako, lidhur me çmimin e fustanit të të sotëm Osmani u përgjigj:
"Veshja nuk është pjesë e buxhetit, është e sponsorizuar, dhe ka kushtuar 18 mijë euro. Kjo, sepse jemi në FestivaL", iu përgjigj Osmani aktores.
Kujtojmë se lidhur me buxhetin e Festivalit të Këngës, sicc u bë me dije në prezantimin për mediet nga stafi, do të jetë i ndarë nga kostot e Eurovizionit.
Pas mesazhit të ndjerë, të aktores Margarita Xhepa, kundër dhunës së grave, përmes interpretimit të monologut të përgatitur nga regjisorja Driada Dervishi, Festivali i Këngës në natën e saj të katërt dhe përmbyllëse të këtij edicioni të 61, rikthen në skenë pas 25 vitesh aktorin Mirush Kabashi. I vlerësuar edhe jashtë vendit, për interpretimin e tij magjik të Apologjisë së Sokratit, Mjeshtri i Madh i Skenës, vjen me një mesazh për aktualitetin. E gjen frymëzimin tek vargjet e mikut të tij, Pano Taccit, që mungon fizikisht prej një dekade "Ah moj demokraci".
"Kam 20 vjet që e kam bërë këtë zgjedhje, fill pasi e ka shkruar Pano, që sivjet ka 10 -vjetorin e vdekjes, unë u dashurova me këtë poezi, që sot përkon edhe me problematikat që ne kemi. Është kjo një mënyrë për të bërë një meditim për problemet që kemi. Me këtë entuziazëm ,me këtë poezi", thotë aktori.
Flet edhe për problemet e tij shëndetëosre, që ka kaluar pak vite më parë, e që e kanë bërë të mendojë edhe më të keqen. E pyetur nga moderatorja Arbana Osmani, aktori rrëfen se në kapërcimin e këtyre problemeve, dashuria e publikut, vlerësimi i tyre ka qenë një inkurajim i madh.
Osmani i kujton aktorit edhe lapsusin e medies që në një moment shkruan se ai është ndarë nga jeta.
"Nuk e di nëse ishte një lapsus, por unë pata kënqësinë të mendoj për atë që do lë pas. Dhe ajo që do lë pas është kënaqësia më e madhe që do i lë vetes dhe familjes time, është emri im i mirë", rrëfen Kabashi.
Lajme të tjera
-
Elsa Lila përfundon rrugëtimin e saj në 'Ferma Vip'! Çiljeta Me kë do rri unë, lereni edhe pak ditë
25 Maj, 09:49 -
Elsa Lila: Michael Jackson është gjallë, jeton në ishull
8 Prill, 18:51 -
Lamtumirë!", them i Pari"...
8 Prill, 00:05
-
'50 vjeçe dhe del me c*ca jashtë', konkurrentja qëllon Elsa Lilën me shishe: Injorante! Si reagoi këngëtarja
2 Prill, 21:26 -
Elsa Lila rrëfen momentin e arrestimit: Ma morën vajzën teksa flinte
31 Mars, 12:28 -
Elsa Lila flet për vrasjen e të ëmës: Jetoja për t’u bërë 18 vjeç, kam marrë avokat penalist
29 Mars, 19:50 -
Elsa Lila rrëfen për periudhën që kaloi në qeli: Aty edhe kanë përdhunuar
27 Mars, 15:24 -
Në Festivalin e Këngës nuk mori asnjë çmim, Elsa Lila: Të papriturat, kur ke miq e dashamirës pranë, e bëjnë më të bukur udhëtimin, cilido qoftë ai!
29 Dhjetor 2023, 23:13 -
Festivali i RTSH/ Juria zgjodhi si fitues të birin e këngëtares Violetë Kukaj! Ndarja e prindërve e ashpër, Retkoceri: 'Çmendur' prej perspektivës së nënës sime
23 Dhjetor 2023, 14:51 -
Festivali i Këngës 'rrëzon' parashikimet! Juria i jep çmim të parë Mal Retkocerit! Publiku çon në Eurovizion Besa Kokëdhimën! Elsa Lila, pa asnjë çmim
23 Dhjetor 2023, 00:51 -
‘Mars’ kënga e Elsa Lilës në ‘Festivalin e RTSH-së’ i dedikohet periudhës së burgut
22 Dhjetor 2023, 19:29 -
Fjala dhe muzika, Festivali i Këngës në dy netët e para! Në garë 31 këngëtarë, dominojnë të rinjtë
21 Dhjetor 2023, 16:16
