Fier, festimet verore, nis
festivali “Fier Internacional Festival”

Ne qytetin e Fierit tashme është bërë traditë që çdo verë zhvillohen aktivitete  të mëdha të quajtur “Fier Internacional  Festival”.
 
Këtë verë ky festival nisi mbrëmjen e djeshme me Festivalin Ndërkombëtarë të Bandave.
 
Një mbrëmje e mbushur  me muzikë bande , të cilën këtë festival  ndërkombëtar e hapi me dinjitet dhe me duartrokitje një bandë e ardhur nga Amerika,  e vendosur në Los Angeles ,dhe e nominuar për çmimin Grammy në kategorinë “Performanca më e mirë e rrënjëve Amerikane”.
 
Kjo bandë merret me ripunimin e muzikës së vjetër klasike.
 
Nëpërmjet një repertori të ndryshëm nga ai tradicional i bandave, qindra artdashës fierak ndoqën me interes interpretimin e disa pjesëve muzikore klasike të kësaj bande.
 
Ndërsa ditën e sotme publiku fierak  do të ndjek edhe bandën e Kosovës, Tiranës e Fierit dhe Filarmoninë e Korfuzit, e famshme në arenën ndërkombëtare, e cila përbëhet nga 66 artistë dhe me një histori që lindur që në vitet 1890.
 
Të pranishëm kanë qenë edhe prefekti i Fieirt Vaso Bregu , përfaqësues të  bashkisë Fier dhe shumë të tjerë.
 
Sipas drejtorit artistik të këtij eventi, Agron Xoxa, mbrëmjet e këtij qyteti deri në datën 13 korrik do të jenë të mbushura  me muzikë dhe argëtime të tjera sipas një programi  të hartuar nga Bashkia e Fierit në drejtim të kryetarit të saj, Armando Subashi. Gjatë netëve të tjera deri ne datën 13  korrik,  do të hipin në skenë: Sazet e Përmetit , Portokalli Show ,e të tjera shfaqje.

Redaksia Online
J.Sh Shqiptarja.com