Një 37-vjeçar është arrestuar në qytetin e Fierit ndërkohë që po përpiqej të vidhte një banesë. Ai dyshohet si autor i disa vjedhjeve në qyetin e Roskovecit.
Sipas policisë 37-vjeçari me iniciale K.H ishte banues në Patos, ndërkohë që ndalimi i tij u bën në fshatin Kuman, ku po përpiqej të vidhte sende me vlerë në një banesë.
Të arrestuarit iu konfiskuan në cilësinë e provës materiale sendet e vjedhura dhe disa sende që ai përdorte për kryerjen e vjedhjeve.
Materialet i kaluan Prokurorisë pranë Gjykatës së Shkallës së Parë Fier, ndërkohë që ndaj 37-vjeçarit rëndon akuza për veprën penale "Vjedhja".