FIER- Një ngjarje e rëndë ka ndodhur në Zharrës të Patosit , ku xhaxhai 43-vjeçar ka plagosur me thikë në sup nipin e tij 14-vjeçar.

Në prangat e policisë ka rënë 43-vjeçari Gentian Asllani, pasi ka plagosur me thikë nipin e tij 14-vjeçar, i cili pas marrjes së mjekimit në spital është larguar për në banesën e tij, jashtë rrezikut për jetën.

Materialet i kaluan Prokurorisë pranë Gjykatës së Shkallës së Parë Vlorë për veprën penale "Dhunë në familje".

Policia Fier
*Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:

-Gentjan Asllani, 43 vjeç, banues në fshatin Zharrëz, Patos.

Arrestimi i këtij shtetasi u bë pasi në fshatin Zharrëz, për motive të dobëta, ka qëlluar me thikë në supë nipin e tij 14 vjeçar i cili pasi mori mjekim në spital, u largua për në banesën e tij.

Materialet i kaluan Prokurorisë pranë Gjykatës së Shkallës së Parë Vlorë për veprën penale "Dhunë në familje" parashikuar nga Neni 130/a/4 Kodit Penal.

Redaksia Online
Er.K/Shqiptarja.com