Një zjarr masiv ka pushtuar kodrat me ullinj në fshatin Jarua të Fierit, ku raportohet për shpërthime të vazhdueshme të fishekëve, pasi zona në fjale para viteve ‘90 ka qenë repart ushtarak.
Të favorizuar nga era, flakët po përhapen me shpejtësi duke u shtrirë në një sipërfaqe të gjerë pranë banesave pranë.
Kanë qenë banorët e fshatit që kanë ndërhyrë fillimisht për shuarjen e flakëve, ndërsa tre zjarrfikëse kanë mbërritur në vendngjarje dhe po punojnë për neutralizimin e flakëve.
Po ashtu, rrugës për në vatrën e zjarrit janë duke shkuar edhe zjarrfikëset e Albpetrolit, Patosit e Rroskovecit.
Banorët pohojnë se është hera e parë që një zjarr i përmasave të tilla ndodh në fshatin e tyre.
Problematika e zjarrit në këtë zonë është thelluar edhe për shkak të shpërthimeve të vazhdueshme të fishekëve, të cilat gjenden të groposura në zonën, e cila para viteve ‘90 ka qenë repart ushtarak.
Shkaku i zjarrit nuk dihet ende.
Lajmi në përditësim...
Pas ndërhyrjes së dy grupeve të forcave zjarrfikëse, situata me zjarret në fshatin e Jaruas në Fier duket se është nën kontroll, pasi flakët janë larguar nga zonat e banuara.
Momentalisht zjarri po përhapet në kodrat me ullinj dhe shkurre në fshatin Jarua, ku sipas shefit të zjarrfikësve po vijon puna për izolimin e flakëve.
“Nëse zjarri ka qenë ose jo i qëllimshëm, nuk mund të flasim ende për këtë situatë sepse do të jenë organet kompetente që do të hetojnë ngjarjen. Ne jemi njoftuar rreth orës 13:00 nga një banor që kishte parë zjarrin në zonën e ullishteve, e vlerësuam menjëherë situatën dhe njoftuam zjarrfikëset të cilat kanë ardhur menjëherë në vendngjarje. Duke parë situatën, jemi përqendruar në sigurimin e banesave, megjithëse nuk janë më në rrezik”, tha Zija Hyka, shefi i zjarrfikësve.
Ndërsa banorët, e alarmuar nga situata e pazakontë thonë se është hera e parë që në fshatin e tyre zjarri arrin kaq pranë shtëpive.
“Deri më tani nuk kemi parë që zjarri të përhapet kaq afër banesave, ka pasur në kodër por jo në zonën e banuar. Flakët po përhapen në një sipërfaqe shumë të gjerë. Ndihemi të alarmuar dhe tani kur erdha dhe pash zjarrin kishte dhe krisma të fishekëve. Na frikëson zjarri”, tha një banor i fshatit.
“Situatë shumë e frikshme dhe është më se normale sepse zjarri nuk ka ardhur kurrë kaq pranë shtëpive. Nuk e dimë ende shkakun e zjarrit, mund të jetë nga pakujdesia, nga ndonjë cigare, por nuk kemi parë gjë. Nëse është e qëllimshme, ai person duhet ndëshkuar rëndë sepse në këtë vapë nuk mund të lëshosh as edhe një cigare në tokë”, tha një banore.
“Nëse zjarri ka qenë ose jo i qëllimshëm, nuk mund të flasim ende për këtë situatë sepse do të jenë organet kompetente që do të hetojnë ngjarjen. Ne jemi njoftuar rreth orës 13:00 nga një banor që kishte parë zjarrin në zonën e ullishteve, e vlerësuam menjëherë situatën dhe njoftuam zjarrfikëset të cilat kanë ardhur menjëherë në vendngjarje. Duke parë situatën, jemi përqendruar në sigurimin e banesave, megjithëse nuk janë më në rrezik.
Lajme të tjera
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Moti i keq në Fier/ Disa fshatra pa energji elektrike
22 Nëntor, 18:51 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
-
VIDEOLAJM/ ‘Dielli i Zi’ në Roskovec, spektakli magjepsës i zogjve shtegtarë
20 Nëntor, 15:05
