FIFPro e ka cilësuar kampionatin serb si një mjedis të paligjshmërisë, ku situata është përkeqësuar për lojtarët.
Një sondazh i realizuar nga FIFPro, ka dalë në përfundimin se 68% të lojtarëve në kampionatin serb u vonohen pagesat dhe 89% e futbollistëve kanë kryer transferime të detyruara dhe të papaguara.
“Deri sa të zgjidhet kjo situatë, u sugjerojmë lojtarëve që të mos firmosin kontrata për skuadrat serbe, pasi ekziston 50% mundësia që të përfundojnë në gjykatë”, është shprehur Sekretari i Përgjithshëm i FIFPro, Theo van Seggelen.
Në FIFPro janë pjesëtarë 58 vende të botës dhe ka 65 mijë futbollistë profesionistë anëtarë të saj.
Redaksia Online
D.T/Shqiptarja .com