Forca të marinës nga Filipinet, Britania, Kanadaja, Japonia dhe Shtetet e Bashkuara filluan të hënën një stërvitje të përbashkët dy javore në Oqeanin Paqësor mes tensioneve të rritje në rajon.
Stërvitja me pjesëmarrjen e mbi 1800 trupave pason bllokimin nga Pekini javën e kaluar të qasjes së peshkatarëve filipinas në një zonë të kontestuar në Detin e Kinës Jugore, e cila tani kontrollohet nga Kina.
Stërvitjet e këtij viti, që po mbahen në pjesën jugore të ishullit Luzon, janë një përpjekje për të përmirësuar luftën kundër nëndetëseve, mbrojtjen ajrore dhe operacionet e kërkim-shpëtimit, thanë zyrtarët e forcave detare të Filipineve.
"Me këtë shfaqje force dhe angazhim aktiv të aleatëve dhe partnerëve tanë, stërvitja është më tepër se sa thjeshtë një përpjekje për përmirësimin e aftësive ushtarake", tha shefi i forcave detare të Filipineve, kundëradmirali Toribio Adaci në ceremoninë e fillimit të stërvitjes.
"Ky është një simbol i partneriteteve tona të qëndrueshme dhe angazhimit tonë të përbashkët për sigurinë dhe stabilitetin në rajonin e Azi-Paqësorit", shtoi ai.
Në fjalën e tij, Zëvendës Admirali Karl Thomas, komandant i Flotës së Shtatë të Marinës Amerikane, tha: "Është e rëndësishme që të gjitha vendet të kenë të drejtën të lundrojnë dhe të operojnë pa frikë në Detin e Filipineve Perëndimore”.
Deti i Filipineve Perëndimore i referohet pjesës së Detit të Kinës Jugore, që Manila thotë se është pjesë e territorit të Filipineve. Në këtë stërvitje, Shtetet e Bashkuara kanë dërguar dy anije ushtarake, ndërsa Britania, Kanadaja dhe Japonia, secila nga një. Stërvitja e organizuar nga Filipinet do të zgjas deri më 13 tetor.
Forcat detare të Australisë, Francës, Indonezisë dhe Zelandës së Re kanë dërguar vëzhgues dhe ekspertë në këtë stërvitje.
"Unë jam i bindur se asnjë agresor i mundshëm nuk duhet të ketë asnjë iluzion tjetër përveç faktit se ky është një grup i vendeve të forta, një ekip i fortë i forcave detare që lundron dhe vepron së bashku", shtoi Zëvendës Admirali amerikan Karl Thomas./VOA
Lajme të tjera
-
Merr flakë gjithë lagjja në Filipine, digjen mbi 1000 banesa, zhvendosen 8 mijë banorë (VIDEO)
25 Nëntor, 20:35 -
Kina zhvillon stërvitje ushtarake afër Filipineve
13 Nëntor, 16:48 -
SHBA-ja dhe Filipinet nisin stërvitje ushtarake një ditë pasi Kina rrethoi Tajvanin
15 Tetor, 09:32 -
Qeveria amerikane vë nën akuzë për korrupsion Smartmatic, pagoi 1 mln dollarë ryshfet për kryetarin e KQZ-së në Filipine
26 Gusht, 22:23 -
Rikthehen tensionet gjeopolitike në Azi, Kina përplas 2 anijet ushtarake të Filipineve në detin e jugut! Rriten tonet e kërcënimeve
19 Gusht, 07:22 -
Ministrja e Turizmit në Report Tv: Marrëveshje me Filipinet dhe Indonezinë për fuqi punëtore! Paketë për zhvillimin e turizmit në veri
21 Maj, 18:24 -
Filipine, thirrje për dëbimin e diplomatëve kinezë
10 Maj, 21:06 -
Uroi presidentin e zgjedhur të Tajvanit, Kina parlajmëron Filipinet: Mos luani me zjarrin
16 Janar, 12:00 -
VIDEO/ Tërmet i fuqishëm 7.5 ballë godet ishullin e Filipineve, humb jetën një grua shtatzënë! Pritet cunami në Japoni
3 Dhjetor 2023, 15:04 -
VIDEOLAJM/ Tërmeti i fuqishëm ‘shkund’ Filipinet
3 Dhjetor 2023, 10:15 -
VIDEO/ Ishte në transmetim të drejtpëdrejtë, qëllohet për vdekje spikeri i radios në Filipine
5 Nëntor 2023, 14:07 -
Pas incidentit me Pekinin, Biden i del në krah Filipineve dhe bën paralajmërim të fortë: Jemi gati të luftojmë me Kinën
26 Tetor 2023, 11:32
