Sezoni i 80-të i NBA nisi me spektakël dhe dy ndeshje emocionuese. Në sfidën hapëse, kampionët në fuqi të Oklahomës mposhtën Houston Rockets pas dy kohëve shtesë me rezultatin 125-124, në një ndeshje që dhuroi drithërima deri në sekondat e fundit.

Heroi i mbrëmjes ishte Shai Gilgeous-Alexander, i cili fillimisht barazoi rezultatin për ta dërguar ndeshjen në shtesë, e më pas vulosi fitoren me një tjetër kosh në sekondat e fundit. Ylli kanadez e mbylli duelin me 35 pikë, 5 ribaunde dhe 5 asistime, duke udhëhequr Oklahomën drejt fitores së parë sezonale.

Në Los Angeles skuadra e Lakers luajti “derbin” me Golden State pa LeBron James. Në mungesë të tij Luka Doncic tentoi që të fitonte i vetëm takimin, por Jimmy Butler dhe Steph Curry udhëhoqën Golden State drejt fitores së parë sezonale me shifrat 119-109.

Edhe pse Luka Doncic zhvilloi një paraqitje spektakolare me 43 pikë, 12 kërcime dhe 9 asistime, Lakers nuk mundën të shmangnin humbjen. Doncic u bë lojtari i parë i Lakers që nga Kobe Bryant në vitin 2007 që e hap sezonin me mbi 40 pikë, duke rikthyer kujtimet e legjendës së ndjerë.

Rezultatet e ndeshjeve në NBA:

LA Lakers - Golden State Warriors 109-119

Oklahoma City Thunder - Houston Rockets 125-124

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera