POP 5

Lajmet më të lexuara të 5 minutave të fundit

Kosova & Rajoni

Fillon sot fushata për zgjedhjet e parakohshme të 14 shkurtit në Kosovë

Zyrtarisht ka nisur fushata zgjedhore për kandidatët partiakë të cilët garojnë për një ulëse në Kuvendin e Kosovës, në zgjedhjet e 14 shkurtit. Ndryshe nga zgjedhjet e kaluara, duket që për shkak të pandemisë, nuk ka pasur ndonjë organizim të veçantë ku liderët e subjekteve do t’ju drejtoheshin masës me mesazhe.

Zyrtarisht ka nisur fushata zgjedhore për kandidatët partiakë të cilët garojnë për një ulëse në Kuvendin e Kosovës, në zgjedhjet e 14 shkurtit.

Ndryshe nga zgjedhjet e kaluara, duket që për shkak të pandemisë, nuk ka pasur ndonjë organizim të veçantë ku liderët e subjekteve do t’ju drejtoheshin masës me mesazhe. Po ashtu, për dallim nga herët tjera, kjo fushatë për zgjedhje të parakohshme zgjat vetëm 10 ditë.

Në zgjedhjet e 14 shkurtit do të marrin pjesë 28 subjekte politike. Komisioni Qendror i Zgjedhjeve ka certifikuar Listën Përfundimtare të Votuesve brenda dhe jashtë Kosovës për zgjedhjet e 14 shkurtit, ku të drejtë vote kanë 1,794,862 qytetarë. 143 mijë e 6 votues më pak se në zgjedhjet paralamentare të vitit 2019.

Arsyeja se përse ka më pak votues në këto zgjedhje është për shkak se KQZ-ja ka vendosur që t’i largojë nga lista votuese 122 mijë e 421 persona të cilët posedojnë vetëm dokumente të identifikimit të lëshuar nga UNMIK-u. Sipas KQZ-së, dokumentet e UNMIK-ut nuk shërbejnë për t’u identifikuar në vendvotim në ditën e zgjedhjeve.

Po ashtu, KQZ-ja ka larguar nga lista votuese edhe 11 mijë e 86 persona të cilët janë konfirmuar se janë larguar nga skema pensionale për shkak se kanë vdekur. Numri i Qendrave të Votimit në të gjithë Kosovën është 888, me gjithsej 2 mijë e 382 vendvotime.

Në mbledhjen e së martës, KQZ-ja, po ashtu, ka miratuar fletëvotimin dhe broshurën për zgjedhjet e parakohshme për Kuvendin e Kosovës 2021 për zgjedhjet e 14 shkurtit.

Rendit zhvillimet sipas orarit:
Ora 11:11
Fushatë jo si të tjerat në Kosovë mes COVID dhe kohës shkurtër

Ditën e sotme ka nisur zyrtarisht fushata zgjedhore për zgjedhjet e parakohshme parlamentare të 14 shkurtit në Kosovë.  Ndryshe nga zgjedhjet e kaluara, për shkak të pandemisë dhe gjobave që kanë marrë nuk ka pasur ndonjë organizim të veçantë.

Fushatë zgjedhore për zgjedhjet e parakohshme ndryshe nga periudha e zakonshme mujore do të zgjasë vetëm 10 ditë.

Për mbarëvajtjen e procesit zgjedhor janë angazhuar Komisioni Qendror i Zgjedhjeve, Këshilli Gjyqësor i Kosovës, Prokuroria, Policia e Paneli Zgjedhor për Ankesa dhe Parashtresa.

Këto zgjedhje kanë qenë ndër më të diskutuarat në historinë e vendit edhe për shkak të përjashtimit nga kandidimi të disa kandidatëve të cilët kishin pasur dënime të formës së prerë tre vitet e fundit, mes të cilëve është edhe kryetari i Lëvizjes Vetëvendosje Albin Kurti, i konsideruar gjerësisht në opinionin vendas si pretendent për Kryeministër.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59