Filo me banorët e Korçës: Pista e skive në Vithkuq, mundësi për zhvillimin e turizmit

Zhvillimi i turizmit dhe krijimi i strategjive të reja mbetet në fokus të Bashkisë Korçë edhe në programin e mandatit të ardhshëm. Gjatë një takimi me banorët e fshatit Vithkuq, kryetari i Bashkisë Korçë Sotiraq Filo njëherazi kandidat për zgjedhjet vendore të 14 majit, theksoi se Vithkuqi i ka potencialet e duhura për t’u shndëruar në qendrën e turizmit për qarkun Korçë. Filo prezantoi projektin e pistës së skive, si një mundësi që do të sjellë shumë të ardhura dhe ekonomi jo vetëm për Vithkuqin por për të gjithë bashkinë.

“Jemi duke punuar për ndërtimin e një strukture dimërore, për një pistë të madhe skish, që duam ta bëjmë në Bashkinë e Korçës dhe zona më e përshtatshme është ajo e Sherës, mbi Panarit. Javës që vjen do të nënshkruajmë një marrëveshje me TAP-in për të krijuar masterplanin dhe projektin ndërkohë që kanë filluar kontaktet edhe me investitorë potencialë. Nëse realizohet ky projekt, e ardhmja jo vetëm e Vithkuqit por e gjithë zonës do të jetë e ndryshme. Është një projekt që sjell ekonomi dhe do të krijojë një strukturë turistike për gjithë sezonin dimëror.”- tha Sotiraq Filo.

LEXO EDHE:
Në vigjilje të Pashkës, atomosferë festive në Korçë! Çelet panairi me produkte artizanale

Lajmi kryesor:

Dita e 14-të e fushatës! Kandidatët për kryetarë bashkie takime me banorët! Sako: Do nis punën nga zona e Durrësit të ri! Cara premton vëmendje për taksat vendore

G.MO/Shqiptarja.com

TAG:
• Korce