Në orën 20:45 mbrëmjen e sotme do të luhet në San Siro finalja e Ligës së Kombeve mes Spanjës dhe Francës. Një finale e cila përveç përfitimeve monetare vlen edhe për prestigjin, pasi Spanjës i mungon një trofe që nga viti 2012, ndërsa Franca është kampionia e Botës në fuqi.
Në këtë përballje Spanja vjen si një ekip i ri me shumë potencial dhe me një lojë karakteristike siç është mbajtja e topit, para së cilës është dorëzuar edhe trajneri i Francës Didier Deschamps. Ky i fundit në konferencën për shtyp është shprehur ‘se Franca ka më shumë eksperiencë, por kjo nuk të garanton sukses’. Për të fituar kundër Spanjës sipas tij nevojitet që të gjithë mekanizmat të funksionojnë siç duhet.
Për Francën në këtë ndeshje do mungojë Rabiot i prekur me COVID, ndërsa te Spanja në dyshim është sulmuesi Ferran Torres, që realizoi dopietë në gjysmëfinale kundër Italisë. Sa i takon trajnerit të ‘La Rohas’ Luis Enrike ka deklaruar se ‘Francën duhet ta mbajmë sa më larg të jetë e mundur nga porta. Me patjetër duhet t’i bëjmë presion për fitimit e topit dhe t’i shkaktojmë probleme pafund’.
![](https://shqiptarja.com/template/img/NO_ALFA_Kuadrate shqiptarja.png)
Fituesi i Ligës së Kombeve do të marrë 10.5 milionë euro nga UEFA, ndërsa për vendin e dytë shkojnë 9 milionë euro. Lojtari për t’u parë është Gavi te Spanja, ndërsa te Franca kjo është ndeshja numër 100 e Griezman, i cili ndërkohë është një gol larg rekordit të Platini si golashënues. Hera e fundit që Franca është përballur me Spanjën është në Europianin e 2012 ku ‘La Roha’ ka dalë fituese me rezultatin 2-0.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)