POP 5

Lajmet më të lexuara të 5 minutave të fundit

Sport

Finalja e Ligës së Kombeve/ Spanjë-Francë vlen 10.5 milionë euro, Deschamps: I druhem lojës së 'La Roha-s'

Spanja e mbushur me talente do të sfidojë sonte Francën kampione bote në finalen e Ligës së Kombeve. Në lojë janë 10.5 milionë euro, ndërkohë që trajneri i gjelave Deshamps i druhet stilit të Spanjës me mbajtjen e topit.

Në orën 20:45 mbrëmjen e sotme do të luhet në San Siro finalja e Ligës së Kombeve mes Spanjës dhe Francës. Një finale e cila përveç përfitimeve monetare vlen edhe për prestigjin, pasi Spanjës i mungon një trofe që nga viti 2012, ndërsa Franca është kampionia e Botës në fuqi.

Në këtë përballje Spanja vjen si një ekip i ri me shumë potencial dhe me një lojë karakteristike siç është mbajtja e topit, para së cilës është dorëzuar edhe trajneri i Francës Didier Deschamps. Ky i fundit në konferencën për shtyp është shprehur ‘se Franca ka më shumë eksperiencë, por kjo nuk të garanton sukses’. Për të fituar kundër Spanjës sipas tij nevojitet që të gjithë mekanizmat të funksionojnë siç duhet.

Për Francën në këtë ndeshje do mungojë Rabiot i prekur me COVID, ndërsa te Spanja në dyshim është sulmuesi Ferran Torres, që realizoi dopietë në gjysmëfinale kundër Italisë. Sa i takon trajnerit të ‘La Rohas’ Luis Enrike ka deklaruar se ‘Francën duhet ta mbajmë sa më larg të jetë e mundur nga porta. Me patjetër duhet t’i bëjmë presion për fitimit e topit dhe t’i shkaktojmë probleme pafund’.

Fituesi i Ligës së Kombeve do të marrë 10.5 milionë euro nga UEFA, ndërsa për vendin e dytë shkojnë 9 milionë euro. Lojtari për t’u parë është Gavi te Spanja, ndërsa te Franca kjo është ndeshja numër 100 e Griezman, i cili ndërkohë është një gol larg rekordit të Platini si golashënues. Hera e fundit që Franca është përballur me Spanjën është në Europianin e 2012 ku ‘La Roha’ ka dalë fituese me rezultatin 2-0.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Bashkëpunimi me spitalin izraelit SHEBA, Rama në QSUT: Miqtë nga Izraeli janë këtu për t'i kthyer mbrapsht popullit shqiptar një borxh moral nga Lufta e Dytë Botërore

Bashkëpunimi me spitalin izraelit SHEBA, Rama në QSUT: Miqtë nga Izraeli janë këtu për t'i kthyer mbrapsht popullit shqiptar një borxh moral nga Lufta e Dytë Botërore

24 Janar, 12:10