SHBA - Indiana Pacers ka arritur një fitore të rëndësishme në parket ndaj Oklahoma City Thunder, duke e mbyllur ndeshjen me rezultatin 116-107 dhe duke marrë epërsinë 2-1 në serinë finale të Play-Off-it të NBA.

Ndeshja filloi mjaft mirë për Oklahoma, e cila e mbylli çerekun e parë me një epërsi prej tetë pikësh (32-24). Por Indiana reagoi fuqishëm, duke luajtur më me shpejtësi dhe duke e kthyer ndeshjen në favor të saj gjatë pjesës tjetër.

Rivaliteti mes dy ekipeve ishte intensiv dhe nuk munguan momentet e tensionit deri në fund. Pacers arritën të merrnin avantazhin vendimtar katër minuta përpara fundit, kur kaluan në epërsi 107-100 dhe e menaxhuan këtë avantazh me qetësi deri në fitoren finale.

Bennedict Mathurin ishte ylli i mbrëmjes, duke shënuar 27 pikë, ndërsa Tyrese Haliburton kontribuoi me 22 pikë, 9 kërcime dhe 11 asistime. Basketbollistët kryesorë për Oklahoma, përfshirë Jalen Williams me 26 pikë, Shai Gilgeous-Alexander me 24 pikë dhe Chet Holmgren me 20 pikë, nuk mjaftuan për të ndihmuar skuadrën të ruante avantazhin.

Ky ishte një tjetër spektakël i madh basketbolli dhe tani Indiana Pacers do të kërkojë të konsolidojë avantazhin e saj në ndeshjen e katërt të serisë, që do të zhvillohet në Indiana të premten në mbrëmje.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Korrik, 07:53

    Akademi për trajnimin e administratës lokale, si e vlerësoni?

Lajme të tjera