POP 5

Lajmet më të lexuara të 5 minutave të fundit

Sport

Finalja europiane e Tiranës/ Autobusi i Romës mbërrin në kryeqytet, klubi italian asnjë stërvitje në ‘Air Albania’! Feyenoord teston fushën (VIDEO)

Autobusi i Romës është parë sot në kryeqytet teksa bëhet gati të presë futbollistët që do luajnë finalen e Conference League.

Kur kanë mbetur edhe 3 ditë nga finalja e madhe europiane në Tiranë dy skuadrat pjesmarrëse Roma dhe Feyenoord kanë nisur procedurat e para për të qenë në kryeqytetin shqiptar.

Sot në mëngjes autobusi i skuadrës italiane të Romës është parë në autostradën Tiranë-Durrës, ndërsa më pas është ndalur në hotelin ku edhe do të qëndrojë ekipi. Sa i përket skuadrës ajo do jenë në aeroportin e Tiranës më 24 maj, të martën në orën 16:40. Pa u vonuar do të nisen drejt stadiumit ‘Air Albania’ ku edhe do të kryejnë inspektimin e zakonshëm të fushës, ndërsa më pas do qëndrojnë në hotel. Për të besuarit e Mourinho-s nuk do ketë as edhe një stërvitje në Tiranë, pasi e fundit do kryhet në Romë të martën në mëngjes.

Ndryshe qëndron situata për Feyenoord. Klubi holandez ka parashikuar një stërvitje në ‘Air Albania’. Feyenoord do zbresë në aeroport rreth orës 14:00-14:30 dhe në orën 19:00 kanë seancën zyrtare të stërvitjes në stadiumin e finales. Më pas holandezët mbrëmjen e 24 majit do qëndrojnë në një hotel në Dajt.

Pra ndryshe nga çfarë ishte thenë më parë stadiumet ‘Elbasan Arena’ dhe ‘Loro Boriçi’ nuk do përdoren për stërvitjen e ekipeve finalist.

Autobusi mëngjesin e sotëm mbërriti nga porti i Durrësit, ndërsa ‘Autoriteti Portual’ i këtij qyteti tha se ‘në koordinim me kompanitë e lundrimit dhe agjencitë ligjzbatuese që operojnë në Portin e Durrësit po menaxhojnë situatën për mbarëvajtjen në përpunim për sportdashësit që po hyjnë në vendin tonë edhe në rrugë detare, për t'ju krijuar atyre lehtësira në përpunim’.

Ne.k./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria në krah të Kosovës, nuk mbështet qëndrimin e BE-së: Si e gjykoni?

Lajme të tjera



×

Lajmi i fundit

VIDEOLAJM/ Ariu prish piknikun e familjes në Meksikë

VIDEOLAJM/ Ariu prish piknikun e familjes në Meksikë

27 Shtator, 14:50