POP 5

Lajmet më të lexuara të 5 minutave të fundit

Ekonomi

Financat gati për eurobondin e ri, emetohet gjatë vitit 2020 (DOKUMENTI)

Ministria e Financave dhe Ekonomisë ka shpallur tender për konsulencë ligjore lidhur me një eurobond të ri. Ende nuk dihet shifra e huasë që synohet. Kjo është hera e 4-t që të merret hua në valutë nga shteti shqiptar në tregjet ndërkombëtare të kapitaleve që prej vitit 2010.

Me fondin prej gati 24 milionë lekësh (gati 200 mijë euro) qeveria shqiptare ka hapur garën për konsulencë ligjore për eurobondin që parashikohet të emetohet gjatë vitit 2020. Në këtë mënyrë, shteti shqiptar përgatitet të dalë për herë të 4-t në tregjet ndërkombëtare të kapitaleve për të marrë hua në valutë. Ministria nuk bën të ditur në dokumentat e tenderit shifrën që synon të marrë hua këtë herë.

Data për hapjen e ofertave është 30 dhjetori dhe kontrata do të jetë e vlefshme deri në fund të vitit të ardhshëm. Por parashikohet që konsulenca të zgjatë afërsisht për 8-12 javë.

Eurobondi i parë shqiptar është emetuar në vitin 2010, me 300 milionë euro dhe një interes afro 9%. Në vitin 2015, kur përfundoi afati 5-vjeçar, u krye dalja e dytë me 450 milionë euro, me një normë interesi më të ulët: 5.75%.

Eurobondi i tretë i Shqipërisë u përmbyll para se të mbaronte afati i Eurobondit të dytë, në dhjetor 2018, me 1.25 miliardë euro të ofruara, nga të cilat u pranuan 500 milionë euro. Interesi ishte edhe më ulët: 3.55%.

Eurobondi është një nga mënyrat e sigurimit të borxhit nga jashtë për qeverinë, njëkohësisht aty kryhet edhe një vlerësim i ekonomisë së vendit dhe aftësisë së qeverisë për shlyerjen e borxhit. Sa më i ulët të jetë interesi dhe sa më të shumta të jenë ofertat, aq më pozitiv ka qenë ky vlerësim.

Përveç faktit se vitin e ardhshëm mbaron afati i eurobontit të emetuar në vitin 2015, huaja në fjalë është shumë e nevojshme për të përballuar edhe pasojat e tërmetit të nëntorit.  

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Mero Baze: Ditën imiton Trumpin, natën ëndërron Ramën

Mero Baze: Ditën imiton Trumpin, natën ëndërron Ramën

30 Janar, 07:01 nga Mero Baze