Financimet ruse, Berisha: Rama kujton se me sharje do mbulojë vjedhjet! PD, partia që shndërroi Shqipërinë në një prapavijë të fuqishme kundër Millosheviçit

Sali Berisha ka zhvilluar pasditen e sotme një takim me demokratët e degës nr.9 në Tiranë, nga ku ka akuzuar kryeministrin Edi Rama për hajdut dhe i është rikthyer akuzave për financimet ruse. Berisha u shpreh para banorëve se PD është partia që shndërroi Shqipërinë në një prapavijë ë fuqishme kundër Slobodan Millosheviçit. Sipas Berishës është partia që dogji çdo interes ruse në këtë vend

“Flet ky dhe kujton se me sharje prej ordineri do mbulojë vjedhjet e tij. Ka një javë që merret me financimet ruse. PD i them pasardhësit të lidhur me dosjen Mitroklin, është partia që i bëri pluhur financimet ruse në PD. Është partia e parë që shndërroi Shqipërinë në një prapavijë të fuqishme kundër Slobodan Millosheviçit. Është partia e parë që dogji çdo interes ruse në këtë vend. Kjo parti dha një kontribut historik të jashtëzakonshëm në sigurinë e Europës me gazsjellësin TAP. Kanë dalë dokumente se thuhet se ish-kryetari i partisë ka marrë financime ruse. Njeriu që mbylli dosjen duke i thënë Lulzim se i ke futur duart thellë në financimet ruse. E ka marrë peng Bashën me atë dosje, por nuk mund të marrë peng Partinë Demokratike”, tha më tej Berisha.

Sa i përket emigrimit të të rinjve shqiptare, Sali Berisha tha se fton mediat britanike që të vijnë në vendin tonë dhe të pyesin se si përdoren fondet publike. Berisha tha se vetëm vjedhja është shkak i varfërimit të shqiptarëve që është bërë arsye për largimin e të rinjve.

LEXO EDHE:
Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

‘Ka shpërthyer një polemikë e madhe këto ditë dhe jemi bërë lajmëzinjtë e Europës, në mediat më të mëdha të botës për dramën e kanalit të La Manshit. Çfarë bën ky? Ky për çdo gjë, vetëm faj nuk ka. Ky është një qenie primitive, sepse njeriu i qytetëruar mban përgjegjësi. Ky njëherë thotë fajin e ka Saliu, njëherë e ka Meta, herën tjetër Gjermania, pastaj Franca, tani e ka Anglia, me radhë e me radhë, por vetëm ky faj nuk ka se çfarë ndodh në këtë vend. A mund të pranohet, lejohet një gjë e tillë? Mediat britanike shkruajnë këto ditë se varfëria, por u them këtyre gazetarëve se vjedhja dhe vetëm vjedhja. Kjo tokë nuk gjen një sipërfaqe të tillë në ishullin britanik e askund të jetë më e pasur se Shqipëria. Por  ky kryeministër dhe kjo qeveri i ka kthyer pasuritë në një mallkim për qytetarët shqiptarë. Ky kryeministër dhe kjo qeveri vjedh dhe vetëm vjedh. Firmos për sipërmarrjen e tij 420 mln euro, djegësat dhe nuk digjet asnjë kilogram pleh. Ky njeri firmos me vëllezërit Karriç dhe të tjerë, dorëzon miliona katror tokë në Durrës, kujt? Kompanive të sanksionuara të veta, se është aksionar vetë. Prandaj ky njeri që ka bërë gjithçka në rrafshin moral nuk ndalet. Vetëm shëtit nga një sallë në tjetër si një sharës i ulët. Nuk lë fjalë pa nxjerrë nga fjalori i tij, dëshmi e një edukate perverse familjare, të mangët dhe që natyrisht njeriu nuk mund ta ulë veten në atë shkallë të ja kthejë me të njëjtat fjalë. Kemi të bëjmë me një armik që i varfëron dhe i vjedh shqiptarët. Ftoj mediat britanike të pyesin se si përdoren fondet publike këtu dhe në Britaninë e Madhe.’- tha Berisha.

TAG:
• Rithemelimi
• lobimi rus per pd
• sali berisha

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1496

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq