TIRANE - Beteja për jetën e Alketit 14 muajsh, i cili që në lindje vuan nga një sëmundje në zemër është finalizuar me sukses. Shoqata italiane, Le Patronesse për foshnjet jetim të sëmurë ka arritur të sigurojë fondin prej 20 mijë eurosh, i cili do të bëjë të mundur operimin e Alketit.
Apeli nga shoqata italiane në ndihmë të foshnjës duket se ka sensibilizuar popullin italian, të cilët kanë bërë të mundur grumbullimin e fondit të nevojshëm për rastin e Alketit.
Për A1 report drejtoresha e qëndrës Shtëpia e Foshnjes, Rudina Hoxhaj, ka treguar se brënda një jave Alketi do të niset për në Ankona ku do ti nështrohet operacionit që i nevojitet.
Rasti i Alketit është zbuluar që në lindje të tij dhe gjatë kësaj kohe i është nënshtruar kurimeve dhe kontrolleve të vazhdueshme nga mjekët e QSUT. Hoxhaj thotë se kjo ndërhyerje nuk ka qënë e mudur të realizohej më parë, për shkak të moshësh tepër të vogël të Alketit.
Operacioni do të kryhet në repartin e kardiokirurgjisë të spitalit rajonal të, Torrette, në Ankona të Italisë.
Drejtoresha e Shtëpisë së foshnjes shpreh se kanë marrë garanci të plotë se operacioni do të kryhet me sukses dhe se Alketi do të gëzojë shëndet të plotë, si gjithë fëmijët e tjerë normal
Alketit do ti duhet të qëndrojë rreth një muaj në spitalin e Ankonas, por ndërkohë vetë stafi i Shtëpisë së fëmijës së foshnjes do të jetë prezent fgjatë qëndrimit të Alketit në spital.
Aktuaisht Alketi gjëndet në shoqatën Shtëpia e foshnjes në Tiranëdhe ndërsa pritet konformimi nga shoqata Le Patronesse për nisjen e tij në Itali.

(fj.di/shqiptarja.com)