Një vizitë e shtyrë për shkak të pandemisë. Ministri italian i kulturës Dario Franceschini është pritur paraditen e sotme në Pallatin e Brigadave, në kuadër të Javës Italiane dhe firmosjes së marrëveshjes së bashkëpunimit kulturor si dhe në fushën e arsimit dhe sportit për vitet 2022-2025.
“Jemi jo rastësisht në këtë ndërtesë të quajtur herë Pallati Mbretëror, e herë Pallati i Brigadave. Një ndërtesë e porositur nga mbreti Zog dhe e realizuar nga një arkitekt italian. Marrëveshja që do të firmoset sot në këtë godinë nuk do të jetë thjeshtë një ombrellë”, thotë ministrja e Kulturës Elva Margariti.
Marrëveshja mundëson shkëmbim kulturor e specialistësh si dhe promovim reciprok, në lidhje me arkeologjinë, bibliotekat, teatrot etj.
“Marrëveshja e bashkëpunimit që firmosim sot, forcon raportet dypalëshe, në një investim që do të përfshijë jo vetëm sektorët tradicionalë, ku bashkëpunimi është tashmë i fortë, por do të vijojë edhe në arkeologji, muze, në trafikimin e pasurive kulturore. Marrëveshja i mëshon këtyre, i mëshon të ardhmes, njohjes reciproke mes brezit të ri”, thotë ministri Franceschini.
Ndërsa ministri Franceschini, u ndal edhe tek mbështetja që i jep Italia vendit tonë në procesin e hapjes së negociatave për pranimin e Shqipërisë në Bashkimin Evropian
“Pra, ky do të jetë një investim i madh për të ardhmen, duke krijuar lidhje që do të forcohen edhe më shumë me kohën, që duhet të çojnë sa më shpejt të jetë e mundur, pranimin e Shqipërisë në Bashkimin Evropian, diçka të cilën Italia e mbështet me bindje, dhe do të vijojë ta mbështesë edhe më shumë se ç’kemi bërë përgjatë këtyre viteve, duke shpresuar që të pranohet sa më shpejt.
Edhe pse kohët e vendosura, janë të imponuara nga procedurat, por është një e ardhme që do të vijë natyrshëm dhe do të forcojë edhe më shumë lidhjen mes dy vendeve”, thotë ministri italian i Kulturës.
Sa i përket arsimit, marrëveshja përqendrohet ndër të tjera në promovimin e gjuhëve dhe kulturave respektive. Shkëmbim delegacionesh dhe ekspertësh, binjakëzim institucionesh, si dhe bursa për studentë dhe studiues.
Lajme të tjera
-
Marrëveshje bashkëpunimi në kulturë Shqipëri-Itali! Ministri Franceschini për Report Tv: Luftë trafikut të objekteve me vlerë historike! Investimi te talentet e reja, prioritet
7 Qershor 2022, 17:52
-
Veliaj pret ministrin italian të Kulturës dhe i jep ‘Çelësin e qytetit’, Franceschini: Tirana një qytet evropian, model i zhvillimit dinamik
6 Qershor 2022, 16:58 -
‘Shkeljet’ në Opera/ Regjisori letër Margaritit, Gurakuqi: Përveç logos së re 'plagjiaturë', janë zhdukur skenografitë
19 Shkurt 2021, 17:36
-
Ministri i shëndetësisë së Italisë Speranza: Vendi të kalojë drejt zonës së kuqe, qëllimi shmangja e valës së 3 të COVID-19
16 Dhjetor 2020, 13:30
