Firmosi për 2 vjet, Partizani prezanton koreano-veriorin

Një risi në merkaton e futbollit shqiptar, në Kategorinë Superiore. Partizani ka vendosur për koreano-veriorin, Hyon-Uk So. Klubi i kuq prezantoi mesfushorin paraditën e së premtes me anë të një njoftimi në faqen zyrtare të klubit.

Aziatiku ishte prej disa ditësh në provë dhe u vëzhgua me vëmendje nga klubi i “demave”. Në fund, stafi teknik me trajnerin Skënder Gega vendosën që ta mbanin në skuadër 26-vjeçarin.

NJOFTIMI I PARTIZANIT

LEXO EDHE:
Klasikja pa fitues, Partizani i dyti një javë para fundit të kampionatit! Egnatia merr shpërblimin 10 milionë lekë, Laçi zyrtarisht në 'play-out'

“Klubi njofton arritjen e marrëveshjes me So Hyon-Uk. Mesfushori koreanoverior ka nënshkruar sot një kontratë dy vjeçare me Partizanin. 26 vjeçari i cili regjistron edhe 33 ndeshje me përfaqësuesen e Koresë së Veriut, i bashkohet skuadrës pas një eksperience në Superligën e Bosnjë dhe Hercegovinës”, – shkruan klubi i “demave”.

Futbollisti pritet të përfitojë rreth 2 mijë euro në muaj. Lojtari luan si mesfushor i krahut të djathtë dhe do të shtojë konkurrencën në këtë repart. Kjo cilësohet si një lëvizje e goditur nga kryeqytetasit, por që nuk duan të ndalen këtu, pasi priten dhe afrime të tjera.

TAG:
• partizani
• Hyon-Uk So

Sondazhi i ditës:

Minimumi jetik në vend 184 euro për person, a është i mjaftueshëm?

• Po

  10.4%

• Jo

  85.5%

• Nuk e di

  4.1%

Vota total: 3445

• Sondazhi i ditës:

  Minimumi jetik në vend 184 euro për person, a është i mjaftueshëm?

  Po Jo Nuk e di