POP 5

Lajmet më të lexuara të 5 minutave të fundit

Politikë

Firmosja e autorizimit për detin, Kodheli falënderon Metën

. Kryetarja e Komisionit të Jashtëm, Mimi Kodheli falënderon presidentin dhe e thotë se çështja e negociatorit Artur Mecollari si “spiun” është e tejkaluar, por Partia Demokratike i ruan ende këto dyshime.

Pas firmës së Presidentit për të autorizuar grupin negociator të Ministrisë së Jashtme për kufirin detar me Greqinë, kanë ardhur reagimet nga politika.

Kryetarja e Komisionit të Jashtëm, Mimi Kodheli falënderon presidentin dhe e thotë se çështja e negociatorit Artur Mecollari si “spiun” është e tejkaluar, por Partia Demokratike i ruan ende këto dyshime.

“Sigurisht që takimi Rama-Meta ndikoi, ndikuan të gjithë faktorët që të mund të mbërrijmë në finalizimin e një procesi shumë të rëndësishëm, për të ardhmen e Shqipërisë dhe shqiptarëve, e pa dyshim edhe për të ardhmen e fqinjëve dhe gjithë rajonit.

Dua ta falënderoj Presidentin,ashtu siç dua të falënderoj në mënyrë të veçantë edhe kryeministrin dhe ministrin e punëve të jashtme, por edhe komisionin e politikës së jashtme për të gjithë kontributin, që ky proces të finalizohet, ashtu siç shpresoj shumë të finalizohet me përfitimin dypalësh, por sidomos me përfitimin e palës shqiptare.

Anglezët kanë një proverb ‘çdo gjë është mirë në qoftë se përfundon mirë’, dhe unë jam e bindur se ky proces do të përfundojë mirë. Unë besoj fort që ky proces do të përfundojë mirë, ashtu sikundërse ka nisur mirë.

Sa i takon z.Mecollari, unë besoj që kjo tashmë është një histori e tejkaluar tashmë. Kam besim tek grupi negociator, kam besim tek ekspertiza shqiptare, kam besim tek politika shqiptare në përgjithësi, e cila bashkohet në kohën e duhur për çështje të mëdha siç është kjo çështje kombëtare”,-tha Mimi Kodheli, kryetare e Komisionit të Politikës së Jashtme.

“Në gjykimin tonë Presidenti ka ushtuar të drejtën që i jep ligji. Ka patur një periudhë konsultimi, ka ushtruar të drejtën e tij, dhe nuk kemi asnjë lloj komenti. Kjo nuk do të thotë se mbi grupin e negociatorëve të mos ketë hije dyshimi”,-tha Dhurata Çupi, deputete e Partisë Demokratike. 

“Unë mendoj që presidenti ka kryer të gjitha detyrimet e tij kushtetuese, që në fillim për të pasur një opinion të plotë dhe për të marrë informacionet e duhura. Ky proces të jetë sa më transparent dhe gjithëpërfshirës. Presidenti i ka konsideruar të gjitha shqetësimet e palëve për grupin negociator. Duhet të përfshihen të gjitha kapacitetet intelektuale dhe shkencore në këtë drejtim në ekipin negociator, pasi Greqia është shumë më e organizuar dhe e fuqishme se ne në këtë drejtim, Nuk kishte ndonjë urgjencë, Presidenti bëri të gjitha veprimet e duhura”,-tha Fatmir Mediu, anëtar i Komisionit të Politikës së Jashtme. 
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu