Në kuadrin e reformimit të programit mësimor, në sistemin parauniversitar, referuar shtimit të orëve  të mësimit për edukimin fiziko-sportiv në vitin shkollor 2014-2015, Ministria e Arsimit dhe Sportit, ka nisur dhe marrjen në punë të mësuesve të rinj. Personat e diplomuar si Mësues të Edukimit fizik  e që janë të interesuar të punësohen, do të duhet të paraqesin pranë Drejtorisë Arsimore Rajonale ose Zyrës Arsimore, që i përket zonës ku ata banojnë, kërkesën e tyre dhe dokumentacionin shoqërues.