TIRANE-  Me rastin e Fiter Bajramit Presidenti i Republikës, Bujar Nishani i uroi të gjithë shqiptarëve më shumë paqe, tolerancë e begati. "Është kënaqësi e madhe që urimin e parë si President i Republikës t’jua drejtoj të gjithë besimtarëve muslimanë dhe bashkëkombasve të mi: Gëzuar Festën e Fiter Bajramit", thuhet në mesazhin e urimit të Presidentit të Republikës.

Urimit për më shumë paqe, tolerancë, begati, harmoni dhe shëndet, presidenti shtoi dhe atë të ruajtjes së bashkëjetesën fetare. "Besimi është një nga cilësitë më të çmuara që ka njeriu dhe që e ka çuar njerëzimin përpara. Le ta ruajmë këtë besim në breza dhe ta përmirësojmë në raport me njëri-tjetrin"- thuhet në mesazhin e urimit të Kreut të shtetit.
(sg/shqiptarja.com)