POP 5

Lajmet më të lexuara të 5 minutave të fundit

Sport

Fitoi 22 trofe si ‘galaktik’, Ramos rikthehet sonte në 'Bernabeu' si kundërshtar! Ancelotti: Mirëpresim një kapiten të madh

Gati 3 vite pas largimit, sonte në Bernabeu do rikthehet si kundërshtar ish-kapiteni i Real Madridit Sergio Ramos, i cili këtë sezon luan me Sevillian.

Santiago Bernabeu i rinovuar do të mirëpresë sonte në orën 21:00 një yll të tifozërisë. Bëhet fjalë për ish-kapitenin Sergio Ramos, që sonte do rikthehet në stadiumin ku shkruajti historinë bashkë me ‘galaktikët’ e tjerë, teksa Reali i Madridit pret Sevillian për javën e 26 të La Ligas.

E sigurtë është, se për mbrojtësin 37-vjeçar të larguar në verën e 2021, do ketë vetëm duartrokitje, edhe pse në fushë do zbresë si kundërshtarë. Me Realin Sergio Ramos luajti për 16 sezone, duke veshur bluzën e bardhë në 671 ndeshje ku shënoi edhe 101 gola. E jashtëzakonshme për një mbrojtës.

Me Realin spanjolli arriti të fitonte 4 trofe Champions League, 4 botërorë klubesh, 3 superkupa Europa, 5 kampionate në La Liga, 2 kupa Mbreti dhe 4 superkupa të Spanjës. Në total 22 trofe, por figura e Sergio Ramos është komplekse edhe për karakterin e tij, duke iu referuar asaj që ai paraqet në fushën e blertë dhe të gjithë momentet vendimtare ku ai ishte përcaktues.

Vetë 37-vjeçari i cili këtë sezon luan me Sevillian, ka deklaruar para ndeshjes se nuk do festojë nëse shënon kundër Realit. Sakaq trajneri i ‘galaktikëve’ Carlo Ancelotti është shprehur se ‘tifozët tanë do ta mirëpresin Ramosin si një kapiten të madh, lider të padiskutueshëm dhe një lojtar model’.

Sergio Ramos ka rekordin e golave në Champions League për një qendër mbrojtës, pasi në karrierën e tij ka gjetur 17 herë rrugën e rrjetës.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça