POP 5

Lajmet më të lexuara të 5 minutave të fundit

Sociale

Fitoi betejën me kancerin e gjirit, rrëfimi i 58-vjeçares nga Lezha: Pashë gjendrën para 7 vitesh, e neglizhova! Pas operacionit, ndërpreva punën! Jetoj me pension

Hanife Vija nga Lezha 7 vite më parë u diagonistikua me kancer gjiri. Ka kryer operacionin dhe kiomio-terapinë dhe sot është në gjendje të mirë shëndetësore. Por për shkak të sëmundjes është detyruar të ndërpresë punën. Gjithë peripecitë i ka rrëfyer në një intervistë për Report tv, ku nuk harron tu bëjë thirrje grave e vajzave të bëjnë sa më shpesh kontrolle përmes mamografisë.

Hanife Vija nga Lezha 7 vite më parë u diagnostia me kancer gjiri. Në atë kohë ishte 51-vjeçe dhe punonte në portin e Shëngjinit. E fortë, e qeshur dhe plot pozitivitet, 58-vjeçarja e cila jeton e vetme, rrëfen momentet e vështira kur u diagnostikua me sëmundjen e rëndë, për të cilen u informua vetem pas operacionit që bëri në Tiranë.

“Pashë në trupin tim një kokërr (gjendër) por e neglizhova. E pashë në gusht dhe në dhjetor u bë e madhe, u detyrova të shkoj në spital”, tha Hanife Vija.

Beteja me sëmundjen ishtë mjaft e vështire tregon Hanife Vija për shkak dhe të pamundësive financiare, por falë ndihmës së bluzave të bardha dhe miqve ka arritur tja dalë.

“Shkova në Tiranë u operova, vazhdova me mjekime. Më ranë flokët, jam ndier shumë keq. Por tashmë kjo ka kaluar dhe jam më mirë, shkoj vetëm për kontrolle në Onkologjik”, tha ajo.

Sëmundja e rëndë e detyroi ta ndëprese punën dhe aktualisht trajtohet me pension invaliditeti, ndërsa mjekimin e ka të vazhdueshem. Hanife Vija ka një këshillë për gratë dhe vajzat që vuajnë nga kjo sëmundje, ndërsa apelon që mos të neglizhojnë.

“Ka qenë shumë e vështirë se unë jetoj vetëm dhe nga gjendja ekonomike copë-copë. S’kam pas lek me ble një amita. Punën e kam lënë dhe kam dalë në KEMP (pension invaliditeti)”.

Numri i të prekurve nga kanceri i gjirit në Lezhë ka ardhur në rritje gjatë viteve të fundit, ndërsa mbështetja financiare për të përballuar kostot e kurimit shihet si domosdoshmeri për këtë kategori.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Shpërthimi në banesën e gjyqtarit të Gjykatës së Shkodrës, reagon KLGJ: Dënojmë këtë akt kriminal, të zbardhet ngjarja

Shpërthimi në banesën e gjyqtarit të Gjykatës së Shkodrës, reagon KLGJ: Dënojmë këtë akt kriminal, të zbardhet ngjarja

28 Prill, 12:23