Aktivistja e burgosur iraniane për të drejtat e njeriut dhe fituesja e Çmimit Nobel për Paqe, Narges Mohammadi, ka bërë thirrje për bojkotim, si dhe “dënim kombëtar dhe global” të zgjedhjeve legjislative të muajit të ardhshëm në Iran.
Ajo e ka quajtur këtë “nevojë politike dhe detyrë morale”.
“Dënimi i zgjedhjeve të një regjimi despotik fetar nuk është vetëm lëvizje politike, por edhe detyrim moral për iranianët që e duan lirinë dhe kërkojnë drejtësi”, shkroi Mohammadi në rrjetet sociale më 24 shkurt.
Mohammadi e ka përshkruar në të kaluarën lidershipin klerikal të Irani si “kriminal” dhe ka qenë kritike e zëshme e kushteve në burgjet iraniane.
Në janar, një gjykatë iraniane ia zgjati Mohammadit dënimin me burgim për 15 muaj, për gjoja “përhapjen e propagandës” kundër Republikës Islamike gjatë kohës në burg.
Ky ishte dënimi i pestë ndaj 51-vjeçares prej marsit 2021 dhe i treti për veprimtarinë e saj në burg, ku po mbahet për gjoja veprimet e saj kundër sigurisë kombëtare dhe për propagandë kundër shtetit.
Në postimin e saj më 24 shkurt, Mohammadi i kritikoi autoritetet iraniane për “shtypje të pamëshirshme dhe brutale, për vrasjen e të rinjve në rrugë, për ekzekutime, si dhe për burgosjen dhe torturimin e burrave dhe grave”.
Një numër i figurave të rëndësishme iraniane jashtë vendit dhe disa aktivistë politikë dhe shoqërorë në Iran kanë bërë tashmë thirrje për bojkotimin e zgjedhjeve të 1 marsit.
Zyrtarët iranianë vazhdimisht i përjashtojnë një numër të madh të kandidatëve, të cilët janë kritikë të regjimit, nga garat zgjedhore.
“Largimi nga ky regjim fetar despotik është kërkesë kombëtare dhe mënyra e vetme për mbijetesën e Iranit, iranianëve dhe njerëzisë sonë”, tha ajo.
Zgjedhjet për Parlament, Majlis, janë caktuar për 1 mars bashkë me votimin për Asamblenë e Ekspertëve, por shumica e kandidatëve janë diskualifikuar tashmë.
Autoritetet iraniane e nisën një luftë brutale ndaj disidentëve pas protestave të mëdha gjithëkombëtare dhe trazirave që shpërthyen menjëherë pas vdekjes në paraburgim të studentes Mahsa Amini në shtator 2022.
Amini, 22-vjeçare, ishte arrestuar gjoja për shkelje të kodit të veshjes dhe, sipas dëshmitarëve, u rrah brutalisht nga e ashtuquajtura “policia e moralit”.
Lajme të tjera
-
Avioni ushtarak amerikan rrëzohet në Detin e Kuq, dyshohet se ishte aksidentale
22 Dhjetor, 10:31 -
Ligjbërësit iranianë kërkojnë ndryshimin e projektligjit të rreptë për hixhabin
18 Dhjetor, 15:09 -
Presidenti i Iranit bllokon ligjin ‘drakonian’ për hixhabin
15 Dhjetor, 19:47 -
Sfidoi regjimin iranian, arrestohet këngëtarja që mbajti koncert pa hixhab
15 Dhjetor, 09:28 -
Damask/ Udhëheqësi i rebelëve al-Jolani: Izraeli nuk ka më justifikime për sulme në Siri
14 Dhjetor, 18:46 -
Ish-gazetari i REL dënohet me 10 vjet burg në Iran
14 Dhjetor, 15:48 -
Iran, këngëtarja thyen rregullat fetare, regjistron koncert pa hixhab (VIDEO)
13 Dhjetor, 12:49 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Rënia e Assadit, goditje për ndikimin e Iranit dhe Rusisë, rrezik ardhja e islamistëve ekstrem në Siri
9 Dhjetor, 17:21 -
Irani urdhëron evakuimin e personelit diplomatik dhe ushtarak nga Siria
7 Dhjetor, 08:37 -
Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër
28 Nëntor, 08:07 -
Lirohet pa akuza gruaja iraniane që u zhvesh në shenjë proteste
19 Nëntor, 20:00
