Fitoi Kupën e Botës me Gjermaninë
lë futbollin pas sherrit në disko/FOTO

Ish-talenti i Borussia Dortmund, Kevin Groskreutz, aktualisht futbollisti i Sttutgart, Kevin Groskreutz, i cili në "Brazil 2014" u shpall kampion bote me Gjermaninë, ka njoftuar tërheqjen nga futbolli. 

Zgjedhja e tij në moshën 31-vjeçare ka shtangur opinionin sportiv gjerman dhe jo vetëm. 

Ish-lojtari i kombëtares gjermane u përfshi pak kohë më parë në një incident në një klub nate në Shtutgart ku pas një sherri u qëllua në kokë me shishe nga një 16-të vjeçar.

Ky skandal shtoi presionin mbi ish-kampionin e botës, duke bërë që ai të njoftojë vendimin ekstrem, atë të tërheqjes nga futbolli i luajtur. 

“I kërkoj falje familjes, klubit dhe tifozëve, pas asaj që ndodhi dhe vendimi im është që të tërhiqem nga futbolli profesional, kam nevojë për pushim dhe Sttugarti-t i uroj suksese në synimet e tyre, që është rikthimi në “Bundesligën” gjermane”, ka deklaruar futbollisti gjerman. 

Mesfushori Kevin Groskreutz u shpall kampion bote me Gjermaninë në Brazil, 3 vite më parë, ndërsa u aktivizua në disa ndeshje. 

Në Europianin e Francës, Joakim Low preferoi të mos e marrë në ekip ish-kampionin e botës për shkak të formës së dobët sportive. 


(Kevin Groskreutz pas sherrit në disko)

Redaksia Online
l.q/Shqiptarja.com