Fitoi përballjen me KLD, gjyqtarja Shpresa Beçaj rikthehet në detyrë pas 4 vitesh

Ish-gjyqtarja e Gjykatës së Lartë, Shpresa Beçaj, ka fituar përballjen ligjore ndaj Këshillit të Lartë të Drejtësisë, duke u rikthyer pas katër vitesh në detyrën e kërkuar. Shpresa Beçaj është emëruar sot  si gjyqtare pranë Gjykatës së Apelit të Tiranës me vendim të KLD, pasi ka fituar me dy vendime gjyqësore. Me rikthimin e saj në sistemin e drejtësisë, gjyqtarja Shpresa Beçaj pritet t'i nënshtrohet dhe procesit të Vettingut, ku do të kontrollohet për pastrëtinë e figurës dhe pasurinë.

Shpresa Beçaj kishte paditur KLD-në në vitin 2013, pasi i kishte mbaruar mandati si kryetare e Gjykatës së Lartë. Beçaj i kishte kërkuar KLD të emërohej gjyqtare pranë Apelit të Tiranës, por kërkesa e saj nuk ishte marrë parasysh dhe për këtë gjyqtarja kishte ngritur një padi ndaj KLD në Gjykatën Administrative.

Objekti i padisë së ish-kryetares së Gjykatës së Lartë ndaj KLD-së ishte detyrimi i kësaj të fundit ta rehabilitojë Beçaj në statusin e saj si gjyqtare karriere dhe të nxjerrë aktin e emërimit të saj si gjyqtare e Apelit Tiranë.

Po ashtu, Shpresa Beçaj kishte kërkuar shpërblimin e dëmit në vlerën 8.061.624 lekë, duke shtuar edhe dëmin progresiv të çdo dite deri në ekzekutimin e vendimit. Lidhur me këto kërkesa, Apeli i Administratives i ka dhënë disa të drejta gjyqtares Beçaj. Në bazë të vendimit Beçaj do të përfitonte 42 paga mujore si gjyqtare e Gjykatës së Apelit në Tiranë.

Rendit zhvillimet sipas orarit:
Ora 13:10
E shkarkoi një vit më parë për korrupsion, KLD rikthen sot në detyrë gjyqtaren e Elbasanit

Përveç gjyqtares Shpresa Beçaj, KLD ka rikthyer në detyrë dhe gjyqtaren e Gjykatës së Elbasanit, Pajtime Fetahu, e cila u pezullua një vit më parë, pas një videoskandali që u publikua në media.

Në video, gjyqtarja Fetahu kishte marrë një vendim, që favorizonte të pandehurin, ndërsa u shkarkua menjëherë nga KLD për ‘korrupsion pasiv’. Në mbledhjen e sotme, KLD ka vendosur ta rikthejë atë në detyrë, ndërsa nuk dihet ende pozicioni që do të mbajë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gringo: 31/05/2018 17:20

    Kjo eshte mikesha e Like Floririt President. Kjo i mbylli gjyqin Likes ne Gjykaten e Larte me videon e Dritan Priftit. Tani Likja ne krye te KLD e emeron gjyqtare ne Apel.

    Përgjigju
  • Ben Tironci: 07/05/2018 23:08

    E shperfytyruar. Si shtriga e Salemit

    Përgjigju
  • Papui: 07/05/2018 16:47

    Hajde se jep doreheqjen vete para se ta zere vetingu.

    Përgjigju
  • shoku: 07/05/2018 15:29

    Kjo eshte krahu i djathte i Like floririt, vajzen ja rregulloi Likja ne Austri me pune te ambasada shqiptare per nderin qe i beri me aferen e Dritan Priftit, si mund te kthesh ne detyre nje gjykatese te larguar qe ka dale ne pergjime telefonike.Ky vetingu i Rames ka filluar te bjeri ere dhe ka ne plan te shpetoj Liken nga burgu.

    Përgjigju
  • sarandioti: 07/05/2018 15:04

    Po nje fare KETRA BARJAMI gjyqtare ne Sarande,kur do mirreni me te,gjyqtare e korruptuar,turpe qe ajo eshte gjyqtare,eshe injorantja me e madhe e drejtesise shqiptare. Vetem sorollat njerzit,i shtyn pa funde gjyqet pa asnje shkak,nuk jep vendim te sakte,dhe te dy palet ankohen ne APEL.Ka me dhjetra raste te kesaj natyre.

    Përgjigju
  • kld: 07/05/2018 13:15

    vec nje injorante, hajdute, imorale

    Përgjigju
    • Papuli: 07/05/2018 13:38

      Ajo ka edhe fytyr te paster, pse i bini nqaf kot?!

  • gjyqetar: 07/05/2018 13:09

    u rikthye hajdutja e pa afte dhe e korruptuara. meta i shleu borxhin, gjykata e apelit ka patur konflikt interesi, shume nga ata shpresa i ka votuar per gjyqetar ne apel. KPK pa tjeter do ta largoj si te korruptuar dhe e pa afte.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit