Fitore me aromë kreu, Atalanta 'likuidon' Sassuolo-n! Griezman 'heroi' i At. Madrid, Tottenham s'fal Everton-in

Atalanta është rikthyer të fitojë në Seria A dhe për rrjedhojë të jetë të paktën përkohësisht në vendin e parë të kampionatit. Bergameskët pas barazimit me Udinese-n, për llogari të javës së 10 të kampionatit kanë mposhtur 2-1 Sassuolo-n.

Teksa skuadrat po bëheshin gati për të shkuar në dhomat e zhveshjes Kyriakopoulos zhbllokoi për miqtë, pork jo duket se zgjoi nga gjumi vendasit. Në ekstrem të pjesës së parë Pasalic riktheu baraspeshën, ndërsa menjëherë me nisjen e pjesës së dytë Lookman përmbysi gjithçka. Pas 10 ndeshjesh Atalanta është në kuotën e 24 pikëve, 1 më shumë se Napoli që këtë të dielën luan kundër Bologna-s.

Ndërkohë edhe Juventus është rikthyer te fitoret, duke ndërprerë krizën e madhe, sidomos pas humbjes me Milanin dhe Macabin në Champions League. ‘Zonja’ fitoi 0-1 derbin e Torinos falë golit të Vlahovic në pjesën e dytë.

Në Spanjë Atletico Madrid u shpëtua nga Griezman. Francezi që gjendet gjithmonë në kohë të vështira realizoi menjëherë pas nisjes së pjesës së dytë kundër baskëve të Atletic Bilbao. Sakaq në Premier League Tottenham-i i Antonio Conte-s fitoi 2-0 kundër Everton. Golat në Londër u realizuan nga Kane dhe Hojbjerg në pjesën e dytë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS