POP 5

Lajmet më të lexuara të 5 minutave të fundit

Sport

Fitoret vendimtare të tetorit, Kombëtarja ngjitet me 3 vende në FIFA! Rritje edhe për Kosovën

Me tre pozicione është rritur Shqipëria në renditjen e FIFA-s pas dy fitoreve kundër Çekisë dhe Bullgarisë. Kuqezinjtë tani renditen në vendin e 59, ndërsa Kosova është përmirësuar me 6 vende.

Shqipëria e Sylvinho nuk ndalet. Në renditjen e muajit tetor të FIFA-s kombëtarja ka fituar tre pozicione, duke kaluar nga vendi i 62 në të 59. Ky sukses vjen si pasojë e dy fitoreve, kundër Çekisë në kualifikueset e Europianit dhe ndaj Bullgarisë në miqësoren e 17 tetorit.

Megjithatë kuqezinjtë janë ende larg renditjes historike të 2015 ku zinin vendin e 22 në botë. Ajo renditje erdhi pas 3 pikëve të marrë në tavolinë kundër Serbisë.

Sakaq edhe Kosova është përmirësuar me 6 pozicione, pasi nga vendi i 111 në shtator, këtë muaj ka zbritur ne vendin e 105 në botë. Për këtë ka ndikuar fitorja 0-3 që ‘dardanët’ morën kundër Andorës në kualifikueset e Europianit.

Sa i takon podiumit gjithçka ka mbetur e pandryshuar, me Argjentinën që mban vendin e parë në botë, e ndjekur nga Franca e vendit të dytë dhe Brazili i vendit të tretë. Megjithatë ‘seleçao’ ka humbur shumë pikë në muajin tetor dhe rrezikon të parakalohet nga Anglia e vendit të katërt që ka fituar 13.54 pikë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Tërmet në Napoli, njerëzit e frikësuar dalin në rrugë

Tërmet në Napoli, njerëzit e frikësuar dalin në rrugë

27 Prill, 10:08