Fjalimi i Ramës në KiE, Berisha: I futi thikën pas shpine Kosovës! Po hedh valle në kurriz të atyre që janë në Hagë! Është Makbeth

TIRANË- Për Sali Berishën, fjalimi i kryeministrit Edi Rama në KiE, ku shprehu qëndrimin kundër Reportit të Dick Marty-it që hedh akuza për luftën e UÇK-së, ishte një thikë pas shpine për Kosovën. Në një komunikim me gazetarët, Sali Berisha u shpreh se me fjalimin e tij në Strasburg, Rama mbrojti Beogradin dhe dëmtoi Kosovën në një moment delikat të saj të anëtarësimit në BE. Berisha u bëri thirrje atutoriteteve në Kosovë që të reagojnë dhe të ndalojnë fushatën politike të Edi Ramës.

‘Edi Rama në Strasburg me fjalën e tij tërkuzë dyfishin e kohës së lejuar, fjalim që mund ta mbante vetëm Lukashenko i Bjellorusisë. Detyroi grupin më të madh të kësaj asambleje që krahas mallkimeve dhe sharjeve të bojkotojë zyrtarisht darkën pavarësisht se aty ishte kryeministër i një vendi anëtar i NATO-s dhe KiE. Edi Rama miratoi ndarjen në dysh të kombit shqiptar. Kjo është thika më e rëndë që i futet kombit tonë nga një tradhtar shqiptar. Edi Rama në Strasburg i futi thikën Kosovës në momentin më të papërshtatshëm të Kosovës. Në sallën e këtij tempulli lëshoi lumë akuzash ndaj tij në të ekzistencën e atij institucioni. Mbrojti Beogradin në fjalim e tij. U bëj thirrje autoriteteve të Kosovës të ndalojnë fushatën politike të Edi Ramës’.- tha Berisha.

I pyetur nga gazetarja e Report Tv, Danjela Maloku, për akuzat e Ramës së në fakt opozita flet e ndikuar nga rublat ruse, Berisha tha se ky është një akt burracaku. Sipas Berishës, Rama po dëmton gjendjen e udhëheqjes politike të të burgosurve të Kosovës në Hagë.

‘Është akti i një burracaku që kërkon të fshihet pas hijes së vet. Kam tekstin e fjalës së përfaqësuesit të Edi Ramës në Asamblenë parlamentare në datën 11 në të cilën thotë se jemi dakord për një hetim të plotë dhe të gjerë. Edi Rama ka qenë kryetar i PS ku deputetët e tij në parlament kanë votuar ligjin për hetimin ndërkombëtar të këtyre krimeve në territorin e Shqipërisë. Edi Rama ka qenë 100 dakord me këtë. Po dëmton thellë. Shoh me një keqardhje disa qëndrime të autoriteteve në Kosovë që të cilët nuk e frenojnë Edi Ramën. Po dëmton gjendje e udhëheqjes politike të të burgosurve të Kosovës në Hagë. Është fushata e çmendur e Edi Ramës gjoja po i ndihmoj por po i dëmton palcërisht. Fjala e tij në asamblenë parlamentare është interpretuar si një presion politik. Nëse Edi Rama do t’i ndihmojë le të caktojë një fond qeveritarë. Po për tu bërë mbrojtjen më të fuqishme. Edi Rama është njëri politik me interes apolitike djallëzore dhe po përkeqëson gjendjen e tyre në Hagë. Unë në radhë të parë jam Kosovar, nuk mund të akuzohem unë se po përdor Kosovën. Edi Rama kishte disa mënyra shumë më eficente që të ndikonte pozitivisht që Kosova të anëtarësohet në KiE. Edi Rama po hedhën vallë në kurriz të atyre që janë në Hagë. Është Makbeth. Do Edi Rama të ndihmojë, ka Këshillin e Sigurimit.'- tha Berisha.

Nga Strasburgu, kryeministri Edi Rama e ka quajtur ‘fake news’ raportin e Dick Martyt për krimet e pretenduara se janë kryer nga drejtuesit e UCK-së gjatë luftës në Kosovë. Rama tha se ky raport ishte një dështim i turpshëm i diplomacisë ndërkombëtare, që duhet zhbërë pa humbur kohë. 

Rendit zhvillimet sipas orarit:

Të Fundit Të Parat

M.Q.//Shqiptarja.com

TAG:
• keshilli i europes
• edi rama
• Edi Rama ne KiE
• sali berisha