Flamurtari blen Rafael Sozën, argjentinasi sërish në Superiore

Flamurtari konfirmoi zyrtarisht blerjen e mesfushorit të avancuar Rafael Soza. Lajmin e bëri të ditur, shefi i klubit të Flamurtarit, Geri Çipi. Argjentinasi do të jetë i vlefshëm për vlonjatët duke u nisur nga sezoni i ri, 2012-2013, përfshirë dhe pjesëmarrjen e tij në kupat e Europës, nëse Flamurtari do të marrë pjesë.

Rafael Soza, i cili sapo prishi kontratën me skuadrën moldave, Sherif Tiraspol, është i njohur në vendin tonë, pasi në dy sezonet e fundit ka luajtur me Dinamon (kampion në sezonin 2009-2010) dhe Skënderbeun (kampion 2011-2012).

Trajneri Shkëlqim Muça e njeh mirë ish-lojtarin e Estudiantes, pasi e ka pasur nën urdhrat e tij te Dinamo dhe Skënderbeu, kur tekniku tiranas ishte në bankinën blu dhe atë bardhekuqe.