Fitorja 60- 52 ndaj Tiranës në ndeshjen e katërt të play off i ka sjellë flamurtarit fitoren e 21 në histori. Ekipi i Vlorës kishte fituar dy takimet e para ndaj Tiranës, ndërsa humbi ndeshjen e tretë, për të ardhur tek takimi i katërt në Vlorë,aty ku ka dominuar gjatë gjithë ndeshjes.
Flamurtari e mbylli sezonin e rregullt në vend të tretë, ndërsa në gjysmë finale triumfoi ndaj “Goga Basket” dhe në finale ndaj Tiranës.
Pavarësisht se kundërshtarët kishin avantazhin e ndeshjeve më shumë në fushën e tyre, Flamurtari i përmbysi të gjitha parashikimet duke fituar pas Kupës së Shqipërisë dhe Superkupën e titullin kampion. Kupa i është dorëzuar ekipit vlonjate nga sekretari i FSHB Korab Lllazani, i cili ka vlerësuar skuadrën vlonjate për paraqitjen e bërë në këtë kampionat.
Me fitoren e këtij kampionati, Flamurtari plotëson tripletën duke vendosur hegjemoninë në kampionatin shqiptar.
Redaksia Online
(B.K/Shqiptarja.com)